مشہور ٹی وی میزبان ڈاکٹر عامر لیاقت مرحوم کی بیوہ اور ٹک ٹاک اسٹار دانیہ شاہ نے دوسری شادی کرلی، دانیہ شاہ نے شجاع آباد سے تعلق رکھنے والے حکیم شہزاد سے شادی کی، یہ شادی چند ماہ قبل ہوئی لیکن حکیم شہزاد کے انکشاف کے بعد اب دانیہ شاہ نے بھی اس کی تصدیق کردی۔
دانیہ شاہ نے دوسری شادی کرلی، ڈاکٹر عامر لیاقت حسین کی سابق اہلیہ اور ٹک ٹاک سٹار دانیہ شاہ نے دوسری شادی کرلی ۔ دانیہ شاہ نے شجاع آباد سے تعلق رکھنے والے حکیم شہزاد سے شادی کی، یہ شادی چند ماہ قبل ہوئی لیکن حکیم شہزاد کے انکشاف کے بعد اب دانیہ شاہ نے بھی اس کی تصدیق کردی pic.twitter.com/V6unqdvbfm
— QOMINEWS (@QOMINEWS) July 30, 2024
عامر لیاقت مرحوم کی بیوہ دانیہ شاہ نے سوشل میڈیا پر بیان میں کہا کہ میری زندگی میں کافی مسائل چل رہے تھے اور مجھے ایک محرم کی ضرورت تھی، ایک ایسے مرد کی ضرورت تھی جو ہرجگہ میرا ساتھ دے سکے۔
مزید پڑھیں: عامر لیاقت مرحوم کی نازیبا ویڈیوز کیس: دانیہ کی رہائی کا حکم
دانیہ شاہ نے کہا کہ اسی دوران شہزاد نے مجھے نکاح کا پیغام بھیجا اور میں نے کافی سوچ بچار کے بعد شہزاد سے چند ماہ قبل شادی کرلی ہے، آپ سب لوگ میری خوشیوں کے لیے دعا کیجیے گا۔
دانیہ شاہ کے دوسرے شوہر شہزاد کا کہنا تھا کہ یہ اعلان ان تمام لوگوں کے لیے ہے جن کو میرا دانیہ شاہ سے نکاح مذاق لگتا ہے۔ میری دانیہ شاہ سے چند ماہ قبل شادی ہوچکی ہے، شہزاد کا تعلق شجاع آباد سے ہے۔
واضح رہے دانیہ شاہ اور عامر لیاقت کی ازدواجی زندگی تنازعات کا شکار بنی، دانیہ شاہ نے مبینہ طور پر عامر لیاقت کی متنازع اور نازیبا ویڈیو لیک کیں، جس کے بعد عامر لیاقت مشکل میں دکھائی دیے۔
ایک موقع پر انہوں نے دانیہ کو معاف کرنے کا اعلان بھی کیا لیکن جلد ہی تنہائی میں ان کی موت ہوگئی۔ بعدازاں عامر لیاقت حسین کی اہلیہ دانیہ شاہ نے اُن کی وراثت میں اپنا حصہ حاصل کرنے کے لیے وکیل کی خدمات 2کروڑ روپے میں حاصل کرلی تھیں۔
یہ بھی پڑھیں: وراثت میں حصے کے لیے دانیہ شاہ نے بیوہ کو بھی طلاق دلوانے والا وکیل چُن لیا
دانیہ شاہ کو 2022 میں عامر لیاقت کی نازیبا ویڈیو بناکر وائرل کرنے کے الزام میں لودھراں سے گرفتار کرکے کراچی منتقل کیا تھا، کئی ماہ بعد عدالت نے ان کی رہائی کا حکم جاری کیا تھا۔
تاہم، اب حالیہ وائرل ہونے والے ویڈیو بیان میں دانیہ شاہ مذکورہ وکیل حکیم شہزاد سے اپنے نکاح کی تصدیق کرتے ہوئے نظر آ رہی ہیں۔
