خود کو صدر زرداری کی کزن بتانے والی خاتون کی ہنگامہ آرائی،معروف آؤٹ لیٹ بند کروانے کی دھمکی، ویڈیو وائرل

سوشل میڈیا پر ایک ویڈیو وائرل ہے، جس میں ایک خاتون جو خود کو صدر آصف زرداری کی کزن بتا رہی ہیں۔ کپڑوں کی معروف آؤٹ لیٹ پر سیلز مین سے الجھ رہی ہیں۔

ویڈیو میں دیکھا جا سکتا ہے کہ خاتون کو مطلوبہ لارج سائز کا سوٹ نہیں ملا تو وہ سوٹ کا پیکٹ سیلز مین کی جانب اچھالتے ہوئے کہتی ہیں کہ یہ میری طرف سے آپ لوگوں کے لیے صدقہ ہے کیونکہ میں سید ہوں۔

مزید پڑھیں:خلیل الرحمان قمر کی ’ڈرامہ سازی‘ کرتے مبینہ نازیبا ویڈیو وائرل

کسی صارف کی جانب سے خفیہ طور پر بنائی گئی ویڈیو میں ہنگامہ آرائی کرتی خاتون کہتی سنائی دیتی ہیں کہ ان کے سوئس بینک کے کارڈ میں 50 لاکھ روپے ہیں اور وہ بینک کی بلوچستان کی ریجنل ہیڈ ہیں۔

’آئی ایم نمبر ٹو آف دی پریذیڈنٹ‘

خاتون چلاتے ہوئے انگریزی میں کہتی ہیں کہ ’آئی ایم نمبر ٹو آف دی پریذیڈنٹ‘۔ دوبارہ میرے ساتھ ایسا رویہ اختیار کرنے کی جرأت بھی مت کرنا۔ میں ثنا سفیناز (sana safinaz) کو سیکنڈز میں بند کرواؤں گی۔ آپ زرداری صاحب کی کزن کے ساتھ یہ کریں گے۔ خاتون چیختی ہیں کہ سارے بھٹو قربان کر دیے ناں، اب اور بھٹو قربان نہیں کریں گے۔