پاکستان میں تعینات یورپی یونین کی سفیر رینا کیونکا نے پاکستان کے 77 ویں یوم آزادی کے موقع پر قومی ترانے کا میوزک بجا کر پاکستانی قوم کو زبردست انداز میں خراج تحسین پیش کیا ہے۔
🎺Happy 77th Independence Day, dear Pakistani friends! 🇪🇺🤝🇵🇰 @EUPakistan @ForeignOfficePk @eu_eeas @nkvarnstrom https://t.co/TirBPw4RsY
— Riina Kionka (@RKionka) August 11, 2024
یورپی یونین پاکستان کی جانب سے سماجی رابطے کی ویب سائٹ ایکس پر دو منٹ 12 سیکنڈ پر مشتمل ایک ویڈیو شیئر کی گئی جس میں رینا کیونکا نے پاکستان کو خصوصی خراج تحسین پیش کرنے اور ثقافتی تنوع کو فروغ دینے کے لیے پھر پور انداز میں پاکستانی عوام کے دل جیت لیے۔ ویڈیو کا عنوان ’پاکستان کے بھرپور ثقافتی تنوع کا جشن‘ ہے۔
مزید پڑھیں:پاکستان کا قومی ترانہ کیسے تخلیق ہوا؟
ویڈیو میں رینا کیونکا ٹرمپٹ (باجا) بجاتے ہوئے دیکھا جاسکتا ہے۔ بانسری، سنتور اور الگوزا کے لیے باقرعباس نے خدمات دیں، رباب اور مینڈولین حیدر علی نے بجائے جبکہ موسیقی علی مصطفیٰ نے ترتیب دی ہے۔ گانے کے لیے لوک ورثہ اسلام آباد کا خصوصی شکریہ بھی ادا کیا گیا ہے۔
