پاکستان تحریک انصاف (پی ٹی آئی) کے بانی چیئرمین عمران خان نے 190 ملین پاؤنڈز ریفرنس میں جیل ٹرائل روکنے کے لیے اسلام آباد ہائیکورٹ میں درخواست دائر کردی ہے۔
عمران خان نے اپنے وکیل بیرسٹر سلمان صفدر کے ذریعے اسلام آباد ہائیکورٹ میں درخواست دائر کی جس میں مؤقف اختیار کیا گیا ہے کہ 190 ملین پاؤنڈ ریفرنس کی سماعت کی ابھی کوئی تاریخ طے نہیں کی گئی ہے، اس رٹ پٹیشن میں درخواست گزار کی کامیابی کا بہت زیادہ امکان ہے۔
درخواست میں کہا گیا ہے کہ مذکورہ درخواست میں دلائل کا توازن درخواست گزار کے حق میں ہے، اگر اس درخواست کے فیصلے تک ٹرائل کورٹ کے کی کارروائی کو روکا نہیں جاتا تو درخواست گزار کو کافی نقصان اٹھانا پڑے گا۔
عمران خان نے درخواست میں عدالت سے استدعا کی ہے کہ نیب کورٹ نمبر ایک اسلام آباد میں 190 ملین پاؤنڈ ریفرنس کی کارروائی کو انصاف، مساوات اور انصاف کے تقاضوں کو مدنظر رکھتے ہوئے رٹ پٹیشن کے فیصلے تک روک دیا جائے۔
