سکینہ سموں پاکستانی ڈرامہ انڈسٹری کی ایک تجربہ کار اداکارہ اور ہدایت کارہ ہیں۔ وہ اسکرین پر سب سے زیادہ حقیقت پسندانہ کردار ادا کرنے کے لیے جانی جاتی ہیں اور کئی پروجیکٹس کے لیے کیمرے کے پیچھے بھی ایک چہرہ رہی ہیں۔
یہ بھی پڑھیں: بیمار شوہر کی خاطر دبئی جانے پر شگفتہ اعجاز پر غلیظ حملے
ویٹرن اداکارہ خواتین پر ہونے والے ظلم کے خلاف بھی بہت آواز اٹھاتی ہیں اور وہ غزہ میں ہونے والے اسرائیلی مظالم پر بھی وہ احتجاج کرتی دکھائی دیتی رہی ہیں۔
سکینہ سموں حال ہی میں مدیحہ نقوی کے شو میں مہمان تھیں جہاں انہوں نے اپنی شادی کے بارے میں بات کی جو کامیاب نہیں ہوئی تھی۔ ان کے پاس ایسے لوگوں کے لیے بھی مشورے تھے جن کے بچے ہیں اور جو دوبارہ شادی پر غور کر رہے ہیں۔
مزید پڑھیے: بچوں کی پرورش کے دوران والدین کس خوف کا شکار رہتے ہیں، فضیلہ قاضی کی کھری بات
انہوں نے کہا کہ وہ جانتی ہیں کہ اسلام عورت کو دوبارہ شادی کرنے کی اجازت دیتا ہے اور اپنے گزر بسر کے لیے مردوں پر ہی انحصار کرنے والی بہت سی خواتین کے لیے بھی شادی ضروری ہوتی ہے۔
تاہم ان کا کہنا تھا کہ اگر کوئی خاتون بچوں کی ماں ہیں اور ان کی شادی ختم ہو جاتی ہے تو پھر ان کو اپنے بچوں پر توجہ دینی چاہیے اور دوبارہ شادی سے گریز ہی کرنا چاہیے۔
دوبارہ شادی نہ کرنے کا ایسا ہی مشورہ انہوں نے ان طلاق یافتہ مردوں کو بھی دیا جن کے بچے ہیں کیونکہ سوتیلے والدین بچوں کے لیے کچھ بہتر ثابت نہیں ہوتے۔
سکینہ سموں نے شوہر کو کیوں چھوڑ دیا
سکینہ سموں نے اپنی شادی کے بارے میں بھی بات کی۔ انہوں نے انکشاف کیا کہ ان کی محبت کی شادی تھی اور ان کے سابق شوہر کی نرم دلی اور شائستگی وہ وجوہات تھیں جن کی بنا پر انہوں نے وہ شادی کی تھی۔
انہوں نے کہا کہ پھر وقت کے ساتھ ساتھ ان کے سابق شوہر کھلتے چلے گئے اور وہ خوبیاں اچانک کہیں غائب ہوگئیں جن سے متاثر ہوکر انہوں نے شادی کا وہ اہم فیصلہ کیا تھا۔
