آسٹریلیا کی ایک رہائشی ڈانی رینلڈز نے 8 فٹ اور 6انچ چوڑی وِگ تیار کر لی۔
گینزبک آف ورلڈ ریکارڈ کے مطابق ڈانی رینلڈز نے دنیا کی سب سے چوڑی وگ کا ریکارڈ توڑ دیا ہے۔
حیرانگی کی بات یہ ہے کہ اس وگ کا سٹرکچر بائیک کے ہیلمیٹ،کیبل ٹائیز،پول نوڈلز،پی وی سی پائپ اور ایلومینیم کی سلاخوں سے بنایا گیا ہے۔
اس وگ کو پہن کر توصرف ایک جگہ کھڑا ہی ہوا جا سکتا ہے کیونکہ 8فٹ اور 6 انچ چوڑی وِگ پہن کر چلنا پھرنا ناممکن ہے۔
View this post on Instagram
دنیا کی سب سے چوڑی وگ بنا کر ڈانی رینلڈز نے ریکارڈ توڑدیا ہے لیکن اس وگ کو تیار کرنے کے لیے اس قدر زیادہ چیزیں استعمال کی گئی ہیں کہ وگ کو پہننا ہرگز آسان نہیں ہے۔
اس کا اندازہ ویڈیو ہی سے لگایا جا سکتا ہے کیونکہ ڈانی رینلڈز بھی خود اس وِگ کو اُٹھا کر نہیں پہن سکتیں بلکہ ہک کے ذریعے لٹکی وِگ اُن کے سر پر رکھی گئی۔
ڈانی رینلڈز وِگ کو پہن کر بہت مشکل سے گھومتی ہوئی دکھائی دیتی ہیں اور ان کا چہرہ بھی وِگ میں چھپ گیا ہے، پوری طرح سے دکھائی نہیں دے رہا۔
ویڈیو کے آخر میں جب وہ وِگ سے باہر نکلتی ہیں تو یوں محسوس ہوتا ہے کہ وِگ کے بغیر وہ خود کوزیادہ آرام دہ محسوس کر رہی ہیں۔
