وزیراعظم شہباز شریف نے کہا ہے کہ رائٹ سائزنگ پالیسی پر تیزی سے کام ہورہا ہے جس کی نگرانی وہ خود کررہے ہیں،اس کے معیشت پر مثبت اثرات جلد نمایاں ہوں گے، حکومت تمام فوائد عام آدمی تک منتقل کرنے پر یقین رکھتی ہے، موڈیز کی جانب سے پاکستان کی کریڈٹ ریٹنگ کو اپ گریڈ کیے جانا پاکستان کے مثبت معاشی اشاریوں کا اعتراف ہے۔
وزیراعظم شہباز شریف نے افراط زر کی شرح میں کمی اور پاکستان کی موڈیز کی ریٹنگ میں بہتری پر اطمینان کا اظہار کرتے ہوئے کہا کہ حکومت معاشی اصلاحات کی پالیسی پر گامزن ہے، ہماری حکومت تمام فوائد عام آدمی تک منتقل کرنے پر یقین رکھتی ہے۔
یہ بھی پڑھیں: موڈیز کی درجہ بندی میں پاکستان پہلے سے بہتر پوزیشن پر آگیا
’بین الاقوامی ریٹنگ ایجنسی موڈیز کی جانب سے پاکستان کی کریڈٹ ریٹنگ کو اپ گریڈ کیا گیا ہے، جس کا مطلب ہے کہ عالمی مالیاتی اداروں کی جانب سے پاکستان کے مثبت معاشی اشاریوں کا اعتراف ہے۔‘
شہباز شریف کا کہنا ہے کہ حکومت کی معاشی اور مالیاتی ٹیم کی محنت سے معیشت استحکام کی جانب بڑھ رہی ہے، رائٹ سائزنگ پالیسی پر بھی تیزی سے کام ہو رہا ہے جس کی نگرانی میں خود کر رہا ہوں،اس پالیسی کے معیشت پر مثبت اثرات ہوں گے۔
یہ بھی پڑھیں: وزیراعظم شہباز شریف کا پی ڈبلیو ڈی فوری طور پر غیر فعال کرنے کا فیصلہ
انہوں نے کہا کہ وفاقی حکومت اور حکومت پنجاب کی جانب سے بجلی صارفین کو بلوں کی مد میں ایک بڑا ریلیف دیا گیا اور آج سے پیٹرولیم مصنوعات کی قیمتوں میں مزید کمی کی گئی ہے
وفاقی حکومت اور حکومت پنجاب کی جانب سے بجلی صارفین کو بلوں کی مد میں ایک بڑا ریلیف دیا گیا، پیٹرولیم مصنوعات کی قیمتوں میں مزید کمی کی گئی ہے۔
یہ بھی پڑھیں: میں اور آرمی چیف یکجان دو قالب ہوکر پاکستان کو عظیم بنانے کے لیے کام کررہے ہیں، وزیراعظم شہباز شریف
وزیراعظم نے کہا کہ کنزیومر پرائس انڈیکس میں ریکارڈ کمی ہوئی ہے، افراط زر کی شرح 11 فیصد پر آگئی اور معاشی ماہرین کی جانب سے ستمبر میں افراط زر کی شرح میں مزید کمی کی پیش گوئی خوش آئند ہے۔
