نیشنل ہائی وے اتھارٹی (این ایچ اے) نے ٹول پلازوں پر ٹول ٹیکس میں 30 فیصد تک اضافہ کردیا ہے۔
این ایچ اے کی جانب سے جاری نوٹیفکیشن کے مطابق ٹول پلازوں پر ٹول ٹیکس میں نئے ٹیکسوں کا اطلاق یکم اکتوبر 2024 سے ہوگا۔
یہ بھی پڑھیں: موٹر ویز، نیشنل ہائی ویز کے ٹول ٹیکس میں اضافہ، اب کتنا ٹیکس دینا ہوگا؟
اسلام آباد تا پشاور موٹر وے پر کار کا ٹول ٹیکس 350 سے بڑھا کر 460 روپے جبکہ اسلام آباد تا پشاور موٹر وے ویگن کا ٹول ٹیکس 550 روپے سے بڑھا کر 720 روپے مقرر کیا گیا ہے، اسلام آباد سے پشاور موٹروے بس کا ٹول ٹیکس 1 ہزار روپے سے بڑھا کر 1 ہزار 300 روپے مقرر کیا گیا ہے۔
اسلام آباد تا پشاور موٹروے ٹرک کا ٹول ٹیکس ایک ہزار 500 سے بڑھا کر ایک ہزار 950 روپے مقرر کیا گیا ہے، لاہور عبدالحکیم ایم 3، پنڈی بھٹیاں، فیصل آباد، ملتان ایم 4 پر بھی ٹول ٹیکس میں اضافہ کیا گیا ہے۔
یہ بھی پڑھیں: موٹروے پر وی آئی پیز کو حاصل ٹول ٹیکس استثنٰی ختم کیا جائے، پبلک اکاؤنٹس کمیٹی
ملتان سکھر ایم 5، ڈی آئی خان ہکلہ ایم 14، مانسہرہ ایکسپریس وے پر بھی ٹول ٹیکس میں اضافہ کیا گیا ہے، نیشنل ہائی ویز پر کار کا ٹول ٹیکس 40 سے بڑھا کر 50 روپے کر دیا گیا، ویگن کا ٹول ٹیکس 90، بس کا 170 روپے مقرر کیا گیا ہے، نیشنل ہائی ویز پر 2 اور 3 ایکسل ٹرک کا ٹول ٹیکس 210 روپے مقرر کیا گیا ہے۔
نیشنل ہائی ویز پر آرٹیکولیٹڈ ٹرک کا ٹول ٹیکس 460 روپے جبکہ این ایچ ای کوہاٹ ٹنل این 55، اسلام آباد، مری کوہالہ ہائی وے این 75 پر بھی ٹول ٹیکس میں اضافہ کیا گیا ہے۔
یہ بھی پڑھیں: کراچی میں ٹول ٹیکس مانگنے پر کیشیئر کو گولیاں مارنے والا کار سوار روپوش
میانوالی تا مظفر گڑھ این 135 پر میانوالی اور خانسر ٹول پلازوں پر ٹیکس بڑھا دیے گئے ہیں۔
