پیر کی شب کراچی کے جناح انٹرنیشنل ایئر پورٹ پر بلوچ یکجہتی کمیٹی کی رہنما ڈاکٹر ماہ رنگ بلوچ کو ائیر پورٹ حکام نے بیرون ملک سفر کرنے سے روک دیا اور ان کی دستاویزات بھی تحویل میں لے لیں۔
ائیرپورٹ سے اپنے جاری کردہ ویڈیو پیغام میں ماہ رنگ بلوچ نے کہا، ’ٹائم میگزین نے دنیا کے 100 بااثر ابھرتے ہوئے رہنماؤں کو ایک تقریب میں شرکت کی دعوت دی تھی جس کے لیے ان کی نیویارک کی فلائٹ طے تھی، تاہم ایف آئی اے حکام نے مجھے کراچی ایئرپورٹ پر بلاجواز روک دیا۔‘
یہ بھی پڑھیں: بلوچ یکجہتی کمیٹی کی ماہ رنگ بلوچ کا ریاست مخالف پروپیگنڈا بے نقاب
ماہ رنگ بلوچ نے کہا، ’مجھے ایئر پورٹ پر روکنے کی کوئی وضاحت پیش نہیں کی گئی اور ایئر پورٹ حکام نے میرا پاسپورٹ لے لیا حالانکہ میرا نام ای سی ایل لسٹ میں نہیں ہے، وہ میرے سوالوں کا جواب نہیں دیتے، میرے خیال میں یہ صرف بلوچ آوازوں کو خاموش کرنے کی کارروائی ہے کیونکہ میرے سفر کو روکنے کا کوئی جائز مقصد نہیں تھا۔
Today, I was scheduled to travel to New York to attend @TIME Magazine's gala, where I was invited alongside other leaders named as TIME’s Most Influential Emerging Leaders of the Year. However, I was unjustly stopped at Karachi International Airport with no legal or valid given… pic.twitter.com/Ea7dH4W6Fb
— Mahrang Baloch (@MahrangBaloch_) October 7, 2024
انہوں نے کہا کہ یہ صرف بلوچ آوازوں کو بین الاقوامی سطح پر خاموش کرنے اور بلوچستان میں 2 دہائیوں سے جاری نسل کشی اور انسانی حقوق کی خلاف ورزیوں کو چھپانے کی کوشش ہے، بلوچستان میں کسی بھی میڈیا ادارے کو یہ حق حاصل نہیں ہے کہ وہ بلوچستان کی صورتحال کو سامنے لائے، ہمیں یقین ہے کہ اس سے بلوچستان کے حالات مزید خراب ہوں گے۔
یہ بھی پڑھیں: لاپتا افراد کے حوالے سے پروپیگنڈا ناکام، ماہ رنگ بلوچ بیرون ملک پناہ لینا چاہتی ہے، جان اچکزئی
دوسری جانب بلوچستان کے سابق نگران وزیر اطلاعات جان اچکزئی نے سماجی رابطے کی ویب سائٹ ایکس پر اپنے بیان میں کہا کہ ماہرنگ بلوچ کراچی ایئرپورٹ کی اسٹاپ لسٹ پر ہیں کیونکہ ان کے ملک سے باہر جانے پر پابندی عائد کردی گئی ہے، وہ پاکستان کو بدنام کرنے اور دنیا کے سامنے اپنے دہشتگرد کزنز کی داستان سنانے کے لیے بیرون ملک جانا چاہ رہی تھیں۔
Mahrang Baloch is on the stop list of Karachi Airport as she has been barred flying out of the country.
She was flying out to slander #Pakistan's image and plead the narrative of her terrorist cousins to the world. pic.twitter.com/xCscSl25oA
— Jan Achakzai / جان اچکزئی (@Jan_Achakzai) October 7, 2024
واضح رہے کہ رواں برس جنوری میں نگران وزیر اطلاعات بلوچستان جان اچکزئی نے ایک پریس کانفرنس کے دوران کہا تھا کہ جان اچکزئی نے لاپتا افراد کے حوالے سے پروپیگنڈا ناکام ہو چکا ہے، کچھ عناصر ریاست کے خلاف منظم مہم چلا رہے ہیں۔ ان کا کہنا تھا کہ ڈاکٹر ماہ رنگ کا جو کردار ہے وہ سب کو معلوم ہے، وہ کسی باہر کے ملک میں پناہ لینا چاہتی ہیں، ہو سکتا ہے وہ ملالہ ٹو ثابت ہوں۔
