صوبہ پنجاب میں مچھر کے وار جاری ہیں اور پنجاب بھر میں گزشتہ 24 گھنٹوں کے دوران مزید 149 افراد میں ڈینگی وائرس کی تصدیق ہو گئی ہے۔
ترجمان محکمہ صحت پنجاب کے مطابق راولپنڈی سے 134 ڈینگی بخار کے مریض سامنے آئے، لاہور سے 2 بہاولپور سے 3، شیخوپورہ، جہلم، فیصل آباد سمیت 10 اضلاع سے 1، 1 ڈینگی بخار کے کیس سامنے آئے ہیں۔
مزید پڑھیں:ڈینگی سے جلد صحتیابی کے لیے کو ن سی غذائیں اکسیر؟
محکمہ صحت کا کہنا ہے کہ گزشتہ 7 روز کے دوران 997 ڈینگی کیسز رپورٹ ہوئے ہیں۔ رواں سال صوبے میں اب تک ڈینگی کے3285 کیسز رپورٹ ہو چکے ہیں۔
محکمہ صحت نے انسدادِ ڈینگی کے لیے تمام انتظامات مکمل کر رکھے ہیں، تمام سرکاری اسپتالوں میں ڈینگی سمیت دیگر ادویات کا اسٹاک موجود ہے۔
