مسلم لیگ ن برطانیہ کے صدر احسن ڈار نے اعلان کیا ہے کہ جو بھی ایون فیلڈ ہاؤس مظاہرے کے لیے آئے گا اس کے گھر کا گھیراؤ کیا جائے گا۔ یہاں مظاہرہ کرنے والوں کو اینٹ کا جواب پتھر سے ملے گا۔
مسلم لیگ ن برطانیہ نے اینٹ کا جواب پتھر سے دینے کا اعلان کردیا زلفی بخاری شایان علی صاحبزادہ جہانگیر ملیکہ بخاری سمیت مختلف رہنماؤں کے گھروں کے باہر مظاہروں کا اعلان
اب کوئی مظاہرہ کرنے ایون فیلڈ ہاوس آیا تو پورا جواب دیا جائیگا احسن ڈار صدر مسلم لیگ ن برطانیہ
لندن بہت صبر… pic.twitter.com/ItQpX0GSFQ— Azhar Javaid (@azharjavaiduk) November 3, 2024
ایون فیلڈ کے باہر میڈیا سے گفتگو کرتے ہوئے مسلم لیگ ن کے برطانیہ کے صدر احسن ڈار نے کہا کہ پاکستان تحریک انصاف نے ایسی نسل تیار کرلی ہے جس کو نا اپنی عزت کا خیال ہے نہ کسی اور کی عزت کا خیال کرتے ہیں۔ ہم نے فیصلہ کرلیا ہے جو بھی ادھر کا رخ کرے گا اس کو پورا جواب دیا جائے گا۔
مزید پڑھیں: نواز شریف کے لندن پہنچنے پر پولیس کیوں طلب کرنا پڑی؟
’پی ٹی آئی والے ہمیشہ ایسا ہی کام کرتے ہیں جو ملک و قوم کے لیے شرمندگی کا باعث بنتا ہے‘۔
انہوں نے کہا کہ قاضی فائز عیسیٰ کو سیکیورٹی دینے کے لیے رابطہ کیا گیا تھا لیکن انہوں نے منع کردیا کہ ان کو سیکیورٹی نہیں چاہیے۔ لیکن پی ٹی آئی والے یہ سمجھ جائیں گے نواز شریف قاضی فائز عیسیٰ نہیں ہیں۔
’جو بھی ایون فیلڈ کے باہر آئے گا اس کے گھر کا گھیراؤ کیا جائے گا چاہے وہ کوئی بھی صاحب ہوں یا صاحبہ ہوں‘۔
یہ بھی پڑھیں: سابق چیف جسٹس پاکستان قاضی فائز عیسیٰ کی لندن آمد پر پی ٹی آئی کا شدید احتجاج، گو قاضی گو کے نعرے
جو بھی ایون فیلڈ ہاوس مظاہرے کیلئے آئیگا اس کے گھر کا گھیراؤ کیا جائیگا مسلم لیگ ن برطانیہ کے صدر احسن ڈار کا اعلان @NawazSharifMNS @MaryamNSharif pic.twitter.com/K5ykRiak0N
— Azhar Javaid (@azharjavaiduk) November 3, 2024
احسن ڈار نے کا کہنا تھا کہ یہ انہوں نے کرائے کے لوگ رکھے ہوئے ہیں، جن کا ہمیں بھرپور دفاع کرنا آتا ہے۔ زلفی بخاری، شایان علی صاحبزادہ جہانگیر، ملیکہ بخاری سمیت مختلف رہنماؤں کے گھروں کے باہر مظاہرے کریں گے۔
