لاہور کے علاقے جوہر ٹاؤن میں شہری کے اغوا کا مقدمہ بیٹے کی مدعیت میں درج کرلیا گیا۔
شہری شہباز شریف کی جانب سے پولیس کو درخواست دی گئی کہ ان کے والد چوہدری شریف 5 نومبر کو گھر سے نکلے تھے لیکن ابھی تک گھر نہیں پہنچے، جس پر پولیس نے ایف آئی آر درج کرلی ہے۔
پولیس نے بتایا ہے کہ شہباز شریف نامی شہری کی جانب سے درخواست موصول ہونے پر ایف آئی آر درج کرلی ہے، اور سی سی ٹی وی ویڈیو بھی چیک کی گئی جس میں لاپتا ہونے والے شہری چوہدری شریف کو جاتے ہوئے دیکھا جاسکتا ہے۔
پولیس نے مزید بتایا کہ سی سی ٹی وی اور دیگر شواہد کی روشنی میں پولیس چوہدری شریف کی تلاش کررہی ہے۔
