وفاقی حکومت نے پیٹرولیم مصنوعات کی قیمتوں میں اضافے کا اعلان کردیا۔
وفاقی وزارت خزانہ سے جاری نوٹیفکیشن کے مطابق پیٹرول کی قیمت میں 3 روپے 72 پیسے جبکہ ہائی اسپیڈ ڈیزل کی قیمت میں 3 روپے 29 پیسے اضافہ کیا گیا ہے۔
یہ بھی پڑھیں پاکستان کی پیٹرولیم مصنوعات کی مجموعی درآمدات میں کمی
نوٹیفکیشن کے مطابق پیٹرول کی نئی قیمت 252 روپے 10 پیسے جبکہ ہائی اسپیڈ ڈیزل کی نئی قیمت 258 روپے 43 پیسے ہوگئی ہے۔
نوٹیفکیشن کے مطابق لائٹ ڈیزل آئل کی قیمت میں 48 پیسے فی لیٹر جبکہ مٹی کے تیل کی قیمت میں 62 پیسے فی لیٹر کمی کی گئی ہے۔
وفاقی وزارت خزانہ کے مطابق پیٹرولیم مصنوعات کی نئی قیمتوں کا اطلاق رات 12 بجے سے ہوگا۔
یہ بھی پڑھیں پیٹرولیم مصنوعات کی قیمتوں میں کمی، ایرانی پیٹرول کی مانگ گر جائے گی؟
یاد رہے کہ اس سے قبل وفاقی حکومت نے 15 نومبر کو پیٹرولیم مصنوعات کی قیمتیں برقرار رکھنے کا اعلان کیا تھا۔
