عوام پاکستان پارٹی کے رہنما اور سابق وزیر خزانہ مفتاح اسماعیل نے موجودہ حکومت کی کارکردگی پر تبصرہ کرتے ہوئے کہا کہ حکمرانوں نے ایک سال میں صرف اپنی کرسی مضبوط کی ہے۔
یہ بھی پڑھیں: تمام بجلی صارفین پر ٹیکس ختم کرکے بل کیسے کم ہوسکتے ہیں؟ مفتاح اسماعیل نے فارمولا بتا دیا
ہفتے کو اسلام آباد میں پریس کانفرنس کرتے ہوئے انہوں نے کہا کہ اس حکومت نے اپنا پورا سال ضائع کر دیا اور اس کا کارنامہ یہی ہے کہ اس نے ہر چیز مہنگی کر دی ہے۔
سابق وزیر خزانہ کا کہنا تھا کہ پاکستان میں 40 فیصد لوگ غربت کی لکیر سے نیچے ہیں اور آج کے دن میں بھی ملک میں لاکھوں بچے بھوکے سوئیں گے۔
مزید پڑھیے: بجلی تقسیم کار کمپنیاں صارفین کے ساتھ دانستہ زیادتی کر رہی ہیں، مفتاح اسماعیل
انہوں نے کہا کہ ہر پاکستانی گزرتے سال کے ساتھ غریب ہو رہا ہے جبکہ دنیا میں سب سے مہنگی بجلی اور گیس پاکستان میں دستیاب ہے۔
