سلمان اکرم راجہ کو بھی پشاور ہائیکورٹ سے راہداری ضمانت مل گئی

پشاور ہائیکورٹ نے پاکستان تحریک انصاف (پی ٹی آئی) کے رہنما سلمان اکرم راجہ کی 3 جنوری تک راہداری ضمانت منظور کرلی ہے۔

سلمان اکرم راجہ کی راہداری ضمانت کی درخواست پر پشاور ہائیکورٹ کے چیف جسٹس اشتیاق ابراہیم راجہ نے سماعت کی۔

یہ بھی پڑھیں: پشاور ہائیکورٹ: عاطف خان کے وارنٹ گرفتاری معطل، اسد قیصر کی راہداری ضمانت منظور

دوران سماعت، سلمان اکرم راجہ نے کہا کہ انہیں معلوم نہیں کہ ان کے خلاف کیا ایف آئی آر درج ہے، آج کل ایف آئی آرز کا موسم ہے۔

چیف جسٹس اشتیاق ابراہیم نے استفسار کیا کہ کیا آپ رکن قومی اسمبلی بھی ہیں، جس پر سلمان اکرم راجہ نے کہا کہ فارم 45 کے مطابق تو رکن قومی اسمبلی ہوں۔

یہ بھی پڑھیں: پشاور ہائیکورٹ نے بشریٰ بی بی کی 27 مقدمات میں راہداری ضمانت منظور کرلی

بعدازاں، عدالت نے سلمان اکرم راجہ کو 3 جنوری تک راہداری ضمانت دے دی۔

واضح رہے کہ گزشتہ ماہ اسلام آباد میں پی ٹی آئی کے احتجاج کے بعد متعدد پارٹی رہنما پشاور ہائیکورٹ سے راہداری ضمانت حاصل کرچکے ہیں۔

یہ بھی پڑھیں: زرتاج گل، عمر ایوب، اسد قیصر اور فیصل امین کی راہداری ضمانت منظور

گزشتہ روز اسد قیصر نے 3 مقدمات میں راہداری ضمانت حاصل کی، اس سے قبل بشریٰ بی بی، شہریار آفریدی، عمر ایوب، فیصل امین گنڈاپور سمیت دیگر رہنما بھی راہداری ضمانت حاصل کرچکے ہیں۔