نیشنل ڈیٹا بیس رجسٹریشن اتھارٹی(نادرا) کے ڈائریکٹر جنرل ذوالفقار احمد جعلی ڈگری ثابت ہونے پر ملازمت سے فارغ کر دیے گئے ہیں۔
یہ بھی پڑھیں: 27 لاکھ شہریوں کا ریکارڈ نادرا سے چوری ہوا، چیئرمین نادرا کا اعتراف
میڈیا رپورٹس کے مطابق نادرا کے سرگودھا ریجن کے ڈائریکٹر جنرل ذوالفقار احمد کی ایم بی اے کی ڈگری جعلی ثابت ہوگئی ہے، ان کی ایم بی اے کی ڈگری پر دستخط کرنے والا شخص اس وقت جارج میسن یونیورسٹی امریکا کا صدر نہیں تھا۔
رپورٹس کے مطابق ان کی بی بی اے کی ڈگری میں کالج کا دیا ہوا نام دراصل ڈگری کے اجرا کے وقت کچھ اور تھا، بی بی اے اور ایم بی اے کی ڈگری پر نام مختلف ہونے کی بنا پر ہائر ایجوکیشن کمیشن نے نادرا کی درخواست پر انکوائری کی، جس میں نادرا کی حاصل شدہ معلومات کی تصدیق کی گئی ہے۔
یہ بھی پڑھیں:لاہور ہائیکورٹ نے چیئرمین نادرا کو ہٹانے کا حکم دے دیا
نادرا نے ذوالفقار احمد کو اظہار وجوہ کا نوٹس بھی جاری کیا تھا، تاہم وہ کوئی تسلی بخش جواب نہ دے سکے، اس تمام تر کارروائی کے بعد چیئرمین نادرا نے ہائیکورٹ کے فیصلے اور شوکاز کے غیر تسلی بخش جواب پر تادیبی کارروائی کرتے ہوئے ذوالفقار احمد کو ملازمت سے برطرف کردیا۔
