برطانوی اخبار نے کہا ہے کہ چیمپئنز ٹرافی میں بھارت کے لیے کرکٹ کی سالمیت کی قربانی دی گئی، پانچ مارچ تک کسی ٹیم کو نہیں پتا ہوگا کہ فائنل کہاں کھیلنا ہے۔
یہ بھی پڑھیں: چیمپئنز ٹرافی 2025: شیڈول پر ڈیڈ لاک برقرار، شیڈول کا اعلان تاخیر کا شکار
برطانوی اخبار ٹیلی گراف کے آرٹیکل میں کہا گیا ہے کہ جب آئی سی سی چیمپیئنز ٹرافی کی میزبانی پاکستان کو دی گئی تھی تب تمام میچز پاکستان میں ہونے تھے، ایسے میں بھارت کی جانب سے پاکستان کو فائنل کی میزبانی سے روکنا کھیل کی مکمل بےعزتی ہے، ۔
آرٹیکل میں کہا گیا ہے کہ بھارت کے لیے ٹورنامنٹ کو دوبارہ ترتیب دیا گیا، مزید یہ کہ 5 مارچ تک کسی ٹیم کو نہیں پتا ہوگا کہ فائنل کہاں کھیلنا ہے۔
یہ بھی پڑھیں: آئی سی سی نے ون ڈے، ٹی20 اور ٹیسٹ میں کھلاڑیوں کی نئی رینکنگ جاری کردی
آرٹیکل میں مزید کہا گیا ہے کہ اس ٹورنامنٹ میں شرکت کرنے والی 7 ٹیمیں نہیں جانتی کہ وہ ناک آؤٹ میچ کہاں کھیلیں گی، صرف بھارت کو مکمل یقین کے ساتھ سیمی فائنل اور فائنل کے لیے ان کے ممکنہ وینیوز معلوم ہیں۔
یاد رہے کہ اس سے قبل 2019 ورلڈکپ، 2021 اور 2022 کے ٹی ٹوئنٹی ورلڈکپ میں بھی بھارتی ٹیم کو فائدہ دیا گیا۔
