اسلام آباد کی انسداد دہشتگردی عدالت نے وزیراعلیٰ خیبرپختونخوا علی امین گنڈاپور کو سابق وزیراعظم عمران خان کی نااہلی پر احتجاج کے کیس میں اشتہاری قرار دے دیا ہے۔
میڈیا رپورٹس کے مطابق، انسداد دہشتگری عدالت کے جج طاہر عباس سپرا نے پی ٹی آئی رہنماؤں کے بانی پی ٹی آئی عمران خان کی نااہلی پر احتجاج کے کیس کی سماعت کی، جس میں پاکستان تحریک انصاف (پی ٹی آئی) کے رہنما فیصل جاوید او واثق قیوم عدالت میں پیش ہوئے۔
یہ بھی پڑھیں: جی ایچ کیو حملہ کیس، علی امین گنڈاپور سمیت 25 ملزمان کے ناقابل ضمانت وارنٹ گرفتاری جاری
عدالت نے وزیراعلیٰ خیبرپختونخوا علی امین گنڈاپور اور عمر تنویر بٹ کو اشتہاری قرار دے دیا جب کہ عامر کیانی کو اشتہاری قرار دینے کا عمل شروع کردیا گیا۔
دوران سماعت۔، فیصل جاوید کی جانب سے مقدمے سے دہشتگردی کی دفعات ختم کرنے کے لیے درخواست بھی دائر کی گئی۔ عدالت نے غیرحاضر ملزمان کے وارنٹ گرفتاری جاری کرتے ہوئے کیس کی سماعت 15 جنوری تک ملتوی کردی اور درخواستوں پر دلائل طلب کرلیے۔
یہ بھی پڑھیں: وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری
واضح رہے کہ علی امین گنڈاپور اور فیصل جاوید خان سمیت متعدد پی ٹی آئی رہنماؤں اور کارکنان کے خلاف 2022 میں اسلام آباد کے تھانہ آئی 9 میں مقدمہ درج کیا گیا تھا۔ قل ازیں، ان کے مختلف مقدمات میں وارنٹ گرفتاری بھی جاری ہوچکے ہیں۔
