قومی اسمبلی میں اپوزیشن لیڈر عمر ایوب وزیراعلیٰ خیبرپختونخوا علی امین گنڈپورا کی حمایت میں کھل کرسامنے آگئے ہیں۔
یہ بھی پڑھیں: عمران خان مطمئن ہوں گے تو علی امین گنڈاپور وزیراعلیٰ رہیں گے، جنید خان
ہری پور میں میڈیا سے گفتگو کرتے ہوئے اپوزیشن لیڈر عمر ایوب نے کہا کہ وزیراعلیٰ خیبرپختوںخوا علی امین گنڈا پور کی تبدیلی کی خبریں قیاس آرائیاں ہیں، وہ ہی وزیر اعلی رہیں گے، علی امین گنڈا پور کی درخواست پر ان کو پی ٹی آئی خیبرپختونخوا کی صدارت سے ہٹایا گیا، عمران خان سے گزارش کی تھی کہ 2 ذمہ داریاں سنبھالنا مشکل ہے۔
علی امین گنڈا پور نے خود عمران خان سے گزارش کی تھی کہ 2 ذمہ داریاں سنبھالنا مشکل ہے۔ فارم 47 کی حکومت نے عمران خان سے ملاقات کی حامی بھری تھی لیکن ملاقات نہیں ہوئی اس لیے ہم مذاکرات میں نہیں جارہے، عمر ایوب خان @OmarAyubKhan @PTIofficial pic.twitter.com/WBECOzo4bi
— WE News (@WENewsPk) January 28, 2025
عمرایوب کا کہنا ہے کہ حکومت کی مذاکراتی کمیٹی کی آج کی نشت پر ہم بانی پی ٹی آئی کی ہدایت پر نہیں جارہے، حکومت نے مذاکرات کے دوران ہمارے ایم این اے کے گھروں میں ریڈ کیا ان کو گرفتار کیا جارہا ہے۔
یہ بھی پڑھیں: عمران خان سے علی امین گنڈاپور کی غیرمعمولی ملاقات، اہم امور پر تبادلہ خیال
انہوں نے کہا کہ حکومت نے 9 مئی اور 26 نومبر ک یتحقیقات کے لیے جوڈیشنل کمیشن نہیں بنایا، حکومت نے حامی بھری تھی کہ ہماری بانی پی ٹی ائی سے ازادانہ ماحول میں اڈیالہ میں ملاقات کرائی جائے گی جو کہ نہیں کرائی جارہی۔
