وزیر اعظم پاکستان میاں شہباز شریف نے کہا ہے کہ بہتر معاشی اشاریے، بین الاقوامی سرمایہ کاروں اور عالمی اقتصادی اداروں کا پاکستان پر بڑھتا ہوا اعتماد خوش آئند ہے، ملک میں عوامی فلاح وبہبود کے لیے صوبے مل کر کام کر رہے ہیں، اسی سلسلے میں پیر کو بلوچستان کا دورہ کر رہا ہوں۔
یہ بھی پڑھیں:حکومت سازی: ن لیگ، پیپلز پارٹی میں معاملات طے، زرداری صدر اور شہباز شریف وزیراعظم کے مشترکہ امیدوار ہوں گے
پیپلز پارٹی کے چیئرمین بلاول بھٹو زرداری کی جانب سے شکوے شکایات کے باوجود پارٹی کے سینیئر رہنما خورشید شاہ، شازیہ مری اور ڈپٹی اسپیکر غلام مصطفیٰ شاہ نے اتوار کو لاہور میں وزیراعظم پاکستان شہباز شریف سے ملاقات میں ملک کی مجموعی سیاسی صورت حال پر تبادلہ خیال کیا گیا۔
اس سے قبل اتوار کو اسپیکر قومی اسمبلی سردار ایاز صادق کی لاہور میں رہائش گاہ آمد ہوئی جہاں وزیراعظم اور اسپیکر قومی اسمبلی سردار ایاز صادق کے درمیان ون آن ون ملاقات بھی ہوئی۔
مزید پڑھیں:پیپلز پارٹی نے حکومت کے ساتھ پاؤر شیئرنگ پر مذاکرات کرنے والی کمیٹیاں تحلیل کردی
ملاقات میں ڈپٹی اسپیکر قومی اسمبلی غلام مصطفیٰ شاہ، اراکین قومی اسمبلی خورشید شاہ اور شازیہ مری بھی موجود تھے جبکہ اس ملاقات کے موقع پر دیگر اراکین قومی اسمبلی بھی موجود تھے۔ وزیراعظم نے ڈپٹی اسپیکر کو بیٹے کی شادی پر مبارک باد دی ۔
اس موقع پر گفتگو کرتے ہوئے وزیراعظم شہباز شریف نے کہا کہ بہتر معاشی اشاریے، بین الاقوامی سرمایہ کاروں اور عالمی اقتصادی اداروں کا پاکستان پر بڑھتا ہوا اعتماد انتہائی خوش آئند ہے۔عوامی فلاح و بہبود کے لیے وفاق اور صوبے مل کر کام کر رہے ہیں۔
انہوں نے وفد کو بتایا کہ وہ پیر کو ایک روزہ دورے پر کوئٹہ جا رہے ہیں، جہاں وہ گورنر اور وزیراعلیٰ بلوچستان سے ملاقات کریں گے۔
یہ بھی پڑھیں:پیپلزپارٹی کابینہ کا حصہ نہیں بن رہی، وزیراعظم 5 سال پورے کریں گے، بلاول بھٹو
وزیراعظم امن وامان سے متعلق اجلاس میں بھی شرکت کریں گے جبکہ وفاقی وزرا عطا تارڑ، احسن اقبال، خواجہ آصف اور دیگر اعلیٰ حکام بھی وزیراعظم شہبازشریف کے ہمراہ ہوں گے۔
