وزیر اطلاعات و ثقافت پنجاب عظمیٰ بخاری نے کہا ہے کہ تھیٹرز میں کسی کو بیہودگی اور بے حیائی پھیلانے کی اجازت نہیں دی جائے گی۔ پنجاب کے تھیٹرز میں آئندہ جس فنکار نے ایس او پیز کی خلاف ورزی کی اس پر تاحیات پابندی عائد کی جائے گی۔ میں کسی کا رزق نہیں چھیننا چاہتی لیکن اب تھیٹرز کا ماحول خراب کرنے والے پنجاب میں کام نہیں کریں گے۔
مزید پڑھیں: پنجاب میں نازیبا پرفارمنس پر متعدد اسٹیج اداکاراؤں پر پابندی
وزیر اطلاعات و ثقافت پنجاب عظمیٰ بخاری نے رات گئے لاہور میں مختلف تھیٹرز پرنس تھیٹر اور تماثیل تھیٹر پر چھاپے مارے اور کیفے ٹیریا، ڈریسنگ رومز اور ہالز کا جائزہ لیا۔ وزیر اطلاعات و ثقافت نے اسٹیج ڈراموں کے گانوں اور اداکاراﺅں کی ڈریسنگ پر برہمی کا اظہار کیا۔
وزیر اطلاعات و ثقافت پنجاب عظمیٰ بخاری کے رات گئے مختلف تھیٹرز کے چھاپے۔ عظمیٰ بخاری نے تھیٹرز کے کیفے ٹیریا،ڈریسنگ رومز اور ہالز کا جائزہ لیا۔ وزیراطلاعات و ثقافت کا سٹیج ڈراموں کے گانوں اوراداکاراﺅں کی ڈریسنگ پر برہمی کا اظہار pic.twitter.com/Af3ChMjJBR
— WE News (@WENewsPk) April 3, 2025
عظمیٰ بخاری نے پنجاب آرٹس کونسل کے افسران کے کام کے طریقہ اور تھیٹرز میں صفائی کے ناقص انتظامات پر ناراضی کا اظہار کیا جبکہ 5 اداکاروں ساجن عباس، اداکارہ نیلی، صائمہ خان، نایاب خان اور سونو بٹ کو شوکاز نوٹس جاری کردیے۔
مزید پڑھیں: مریم نواز نے بیمار اسٹیج اداکار کو کتنی مالیت کا چیک بھیجا؟
اس موقع پر عظمیٰ بخاری کا کہنا تھا کہ فنکاروں کے ساتھ تھیٹرز مالکان بھی ذمہ داری کا مظاہرہ کریں۔ تھیٹرز مالکان اچھے موضوعات پر مبنی ڈرامے بنائیں تاکہ عوام کو اچھی تفریح ملے۔
