وفاقی حکومت نے لاہور کی 10 احتساب عدالتوں سے میں 5 احتساب عدالتوں کو ختم کردیا۔
یہ بھی پڑھیں نیب نے بحریہ ٹاؤن کراچی میں غیر قانونی الاٹمنٹس کا ریفرنس احتساب عدالت میں دائر کردیا
وزارت قانون نے احتساب عدالتیں ختم کرنے کا باقاعدہ نوٹیفکیشن جاری کردیا، جس کے مطابق ختم ہونے والی عدالتوں کے عملہ کو ٹربیونلز اور دیگر خصوصی عدالتوں میں ضم کردیا گیا۔
نوٹیفکیشن میں کہا گیا ہے کہ احتساب عدالت نمبر ایک لاہور کو انٹیلیکچول پراپرٹی ٹربیونل ملتان تبدیل کردیا گیا۔ جبکہ احتساب عدالت نمبر 3 لاہور کو خصوصی عدالت برائے کسٹم، ٹیکسیشن ملتان تبدیل کیا گیا ہے۔
نوٹیفکیشن کے مطابق احتساب عدالت نمبر 4 لاہور کو خصوصی عدالت برائے کسٹم، ٹیکسیشن ٹو لاہور تبدیل کردیا گیا۔
یہ بھی پڑھیں احتساب عدالت لاہور نے پرویز الٰہی پر فرد جرم عائد کردی، حاضری سے مستقل معافی بھی مل گئی
نوٹیفکیشن میں کہا گیا ہے کہ احتساب عدالت نمبر 8 لاہور کو انٹیلیکچول پراپرٹی ٹربیونل لاہور ٹو تبدیل کردیا گیا، جبکہ احتساب عدالت نمبر7 لاہور کو اسپیشل جج سینٹرل عدالت گجرات تبدیل کیا گیا ہے۔
