اسلام آباد و گردونواح میں موسلا دھار بارش اور شدید ژالہ باری ہوئی ہے، جس میں گاڑیوں کے شیشے ٹوٹ گئے، اس کے علاوہ گھروں میں کھڑکیوں کے شیشوں کو بھی نقصان پہنچا ہے۔
یہ بھی پڑھیں بلوچستان: ضلع دکی میں ژالہ باری کا 42 سالہ ریکارڈ ٹوٹ گیا
آج دن کے وقت راولپنڈی اور اسلام آباد میں موسم گرم تھا تاہم سہ پہر کے وقت اچانک بادل آئے، اور ژالہ باری شروع ہوگئی۔
اسلام آباد میں شدید ژالہ باری سے گاڑیاں متاثر pic.twitter.com/S0CG61ndHc
— WE News (@WENewsPk) April 16, 2025
اسلام آباد کے علاقے ترنول میں جکڑ چلنے سے درخت جڑوں سے اکھڑ گئے، جس کے باعث ٹریفک کی روانی بھی متاثر ہوئی۔
کچھ علاقوں میں بچے پارکس میں کھیل رہے تھے، اور اچانک ژالہ باری ہونے کے باعث وہ چیخ و پکار کرتے ہوئے گھروں کو بھاگتے ہوئے دکھائی دیے، جبکہ ژالہ باری سے فیصل مسجد کے شیشوں کو بھی نقصان پہنچا۔
اسلام آباد میں شدید طوفان اور ژالہ باری کے باعث فیصل مسجد کے شیشے ٹوٹ گئے۔ موسمیاتی تبدیلی کی شدت بڑھتی جا رہی ہے.#اسلام_آباد #فیصل_مسجد #موسم #ژالہ_باری pic.twitter.com/Uxy5SGQ615
— Islamabadies (@Islamabadies) April 16, 2025
بارش اور ژالہ باری کے باعث اسلام آباد میں گرمی کا زور ٹوٹ گیا، اور موسم خوشگوار ہوگیا ہے، تاہم کچھ علاقوں کی بجلی منقطع ہوگئی ہے، جس کی بحالی کے لیے کام جاری ہے۔
شدیدژالَہ باری سے اسلام آباد کو بُری طرح متاثر pic.twitter.com/VrO3zha8yv
— WE News (@WENewsPk) April 16, 2025
میڈیا رپورٹس کے مطابق خیبرپختوںخوا کے علاقوں لنڈی کوتل اور کاغان ویلی میں بھی بارش اور شدید ژالہ باری ہوئی۔
My car after today’s hailstorm. Damaged badly. May Allah protect all of us. Aameen.
Almost every other car and garden met with the same fate in the neighbourhood. pic.twitter.com/2Vwn6kWZIk
— Salman Javed (@M_EssJay) April 16, 2025
یہ بھی پڑھیں محکمہ موسمیات کی مختلف علاقوں میں موسلا دھار بارش اور ژالہ باری کی پیشگوئی
ضلع خیبر کے علاقے لنڈی کوتل میں سیلابی ریلا گاڑی کو بہا کر لے گیا، کئی علاقوں میں بارش کے باعث ٹریفک کی روانی متاثر ہوئی۔
