آج پاکستان کے مختلف حصوں میں بھارتی جنگی ڈرونز کے حملوں کے پیش نظر وزیراعظم ہاؤس میں ہونے والے اہم اجلاس گفتگو کرتے ہوئے وزیراعظم پاکستان شہباز شریف نے کہا کہ پوری قوم پاک فوج کےشانہ بشانہ کھڑی ہے، ہمیں پاک فوج پر فخر ہے اور ہر قسم کے حالات کے لیے تیار ہیں۔
یہ بھی پڑھیں:پاکستان کے پاس انڈیا کے 5 جہاز مار گرانے کا ثبوت کیا ہے؟
وزیراعظم نے کہا کہ پاکستان نے بھارت کے ڈرون اور جہاز مار گرائے۔ پاکستان اپنے وقار ور عزت سے امن کے لیے پرعزم ہے۔ پاک افواج دشمن کے تمام عزائم ناکاام بنانے کی صلاحیت رکھتی ہے۔
وزیراعظم ہاؤس میں ہونے والے اجلاس میں وفاقی کابینہ کے اراکین، اعلیٰ عسکری قیادت شریک تھی، جب کہ سابق وزیراعظم میاں نواز شریف بھی اجلاس میں خصوصی طور پر شریک ہوئے۔
وزیراعظم نے کہا کہ دشمن کو علاقائی سالمیت پر حملے اور سلامتی کی خلاف وزری کا جواب ملے گا۔
وزیراعظم شہباز شریف کی زیر صدارت سیکیورٹی سے متعلق اجلاس میں فیصلہ کیا گیا کہ ڈرون حملوں میں شہید ہونے والوں کا بدلہ لیا جائے گا۔
یہ بھی پڑھیں:لاہور کی فضائی حدود کو ایک بار پھر بند، نوٹم جاری
اجلاس میں شرکا کو ڈرون حملوں اور پاکستانی ردعمل سے بھی آگاہ کیا گیا۔ اس موقع پر اجلاس میں فیصلہ کیا گیا کہ ایک ایک پاکستان کے خون کا حساب لیا جائے گا۔
اجلاس میں بھارت کے اوچھے ہتھکنڈوں پر بھرپور جوابی کارروائی جاری رکھنے کا فیصلہ کیا گیا۔
اجلاس میں بھارتی جارحیت کا تفصیلی جائزہ لیا گیا۔ پاکستان کی جانب سے بھارتی حملوں کا منہ توڑ جواب دینے کے عزم کا اظہار کیا گیا۔
