آزاد جموں و کشمیر اسٹیٹ ڈیزاسٹر مینجمنٹ اتھارٹی نے بھارتی گولہ باری سے ہونے والے نقصانات کی تفصیل جاری کر دی۔
اسٹیٹ ڈیزاسٹر مینجمنٹ اتھارٹی کی رپورٹ مطابق گزشتہ شب ایل او سی کے مختلف مقامات پر بھارتی گولہ باری سے مجموعی طورپر 2 خواتین سمیت 6 افراد شہید ہوئے۔
رپورٹ کے مطابق بھارتی گولہ باری سے مختلف مقامات پر 29 افراد زخمی ہوئے، زخمیوں میں خواتین اور کم سن بچے بھی شامل ہیں۔
اسٹیٹ ڈیزاسٹر مینجمنٹ اتھارٹی کی رپورٹ مطابق بھارتی گولہ باری سے دو مکانات کو نقصان پہنچا۔
وادی نیلم جاری گولہ باری میں ٹھہراؤ کے بعد مرکزی شاہراہ ٹریفک کے لیے بحال
وادی نیلم پر رات گئے سے جاری فائرنگ گولہ باری رک گئی ہے۔
یہ بھی پڑھیں:پاک فوج سے خوفزدہ دشمن نے ایک بار پھر سفید جھنڈا لہرا دیا
محمد اختر ایوب انچارج ڈیزاسٹر منیجمنٹ اتھارٹی نیلم کے مطابق وادی نیلم کے تمام سیکٹرز پر رات گئے سے جاری فائرنگ گولہ باری رک گئی ہے۔
ڈی ڈی ایم اے نیلم کا کہنا ہے کہ گولہ باری سے کیل میں ایک شخص زخمی ہوا ہے۔ رہائشی مکانات املاک کے نقصان کی تفصیلات اکٹھی کی جا رہی ہیں۔
محمد اختر ایوب انچارج ڈی ڈی ایم اے نیلم کے مطابق شاہراہِ نیلم ٹریفک کے لیے بحال ہے لیکن شہری محتاط رہیں۔
محمد اختر ایوب کے مطابق بجلی کی ٹرانسمیشن لائنیں متاثر ہونے سے ضلع نیلم بھر میں بجلی کا بریک ڈاؤن ہے۔
