پاکستان کی مسلح افواج نے رات گئے کیے جانے والے بھارت کے بزدلانہ حملے کے جواب میں منہ توڑ جواب دیتے ہوئے بھارتی فضائیہ کے کئی جنگی طیارے مار گرائے جس کے بعد بھارت نے ایل اوسی کے مختلف سیکٹرز میں پوسٹوں پر سفید جھنڈے لہرا کر شکست تسلیم کرلی تھی۔
بھارتی جارحیت کے جواب میں پاکستان کے آپریشن ’بنیان مرصوص‘ کے بعد بھارت نے گھٹنے ٹیک دیے اور جنگ بندی پر آمادہ ہوگیا۔ بھارتی فوج کی ترجمان کرنل صوفیہ قریشی کی جانب سے کی گئی پریس کانفرنس میں کہا گیا ہے کہ بھارت جنگ نہیں چاہتا، بشرطیکہ کہ پاکستان بھی ایسا ہی چاہے۔
اس کے بعد دونوں ممالک پاکستان اور بھارت سیز فائر پر تیار ہو گئے۔ پاکستان اور بھارت دونوں نے جنگ بندی کی تصدیق کر دی۔
پاکستان کے نائب وزیراعظم و وزیر خارجہ اسحاق ڈار نے سماجی رابطوں کی سائیٹ ایکس پر جنگ بندی کی تصدیق کرتے ہوئے کہا کہ پاکستان اور بھارت سیز فائر پر آمادہ ہو گئے ہیں۔ انہوں نے مزید کہا کہ پاکستان ہمیشہ خطے میں امن اور سلامتی کے لیے کوشاں رہا ہے اور اپنی خودمختاری اور علاقائی سالمیت پر سمجھوتہ نہیں کیا.
Pakistan and India have agreed to a ceasefire with immediate effect. Pakistan has always strived for peace and security in the region, without compromising on its sovereignty and territorial integrity!
— Ishaq Dar (@MIshaqDar50) May 10, 2025
انڈیا کے سیکریٹری خارجہ وکرم مسری نے پاکستان اور انڈیا کے درمیان جنگ بندی کی تصدیق کرتے ہوئے کہا ہے کہ اس بات پر اتفاق کیا گیا ہے کہ پاکستان اور انڈیا کے درمیان انڈیا کے وقت کے مطابق پانچ بجے سے زمین، فضا، اور سمندر میں مکمل جنگ بندی ہو گی۔
🔴#BREAKING | "Both sides would stop all firing and military action on land, air and sea with effect from 1700 Hours Indian time today" : Foreign Secretary Vikram Misri on India-Pakistan ceasefire #India #Pakistan #Ceasefire pic.twitter.com/dAsYdjUO5i
— NDTV (@ndtv) May 10, 2025
سماجی رابطے کی ویب سائٹ ایکس پر جاری اپنے بیان میں امریکی صرد ڈونلڈ ٹرمپ نے کہا کہ امریکا کی ثالثی میں بھارت اور پاکستان فوری جنگ بندی پر متفق ہوگئے ہیں۔ انہوں نے کہا کہ کامن سینس اور ذہانت سے کام لینے پر میں دونوں ممالک کو مبارکباد پیش کرتا ہوں۔ انہوں نے مزید کہا کہ ’اس معاملے پر آپ کی توجہ کا شکریہ‘۔
— Donald J. Trump (@realDonaldTrump) May 10, 2025
سابق وزیراعظم نواز شریف نے کہا کہ اللّہ ربّ العزت کا شکر ہے کہ اس نے پاکستان کو سر بلند کیا۔ میں، وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔ پاکستان امن پسند ملک ہے اور امن کو ترجیح دیتا ہے مگر اپنا دفاع کرنا بھی جانتا ہے۔ آخر میں انہوں نے پاکستان زندہ باد کا نعرہ بھی لگایا۔
اللّہ ربّ العزت کا شکر ہے کہ اس نے پاکستان کو سر بلند کیا۔ میں، وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔ پاکستان امن پسند ملک ہے اور امن کو ترجیح دیتا ہے مگر…
— Nawaz Sharif (@NawazSharifMNS) May 10, 2025
وزیراعلیٰ پنجاب مریم نواز نے کہا کہ قوم کو فتح مبارک ہو۔ پاکستان زندہ باد۔
قوم کو فتح مبارک!
پاکستان زندہ باد 🇵🇰
— Maryam Nawaz Sharif (@MaryamNSharif) May 10, 2025
وزیردفاع خواجہ آصف نے کہا کہ رب العزت کا شکر اور پاک افواج کو قوم کو خوشیاں، فخر اور مان دینے پہ بہت بہت مبارک ہو۔ پاکستان زندہ باد
رب العزت کا شکر اور پاک افواج کو قوم کو خوشیاں ، فخر اور مان دینے پہ بہت بہت مبارک ھو۔
پاکستان زندہ باد— Khawaja M. Asif (@KhawajaMAsif) May 10, 2025
