یوٹیوب پر زلمی ٹی وی کو انٹرویو دیتے ہوئے سابق پاکستانی کپتان بابر اعظم نے اینکر کی درخواست پر ورلڈ ٹی20 الیون کے لیے اپنے کرکٹرز کے نام گنوائے، جن میں 2 پاکستانی اور 2 ہی بھارتی بیٹسمین کو شامل کیے گئے ہیں۔
یہ بھی پڑھیں:بھارت کے خلاف کشیدگی، بابر اعظم نے انسٹا اسٹوری میں کیا پیغام دیا؟
ورلڈ ٹی20 الیون کے لیے سب سے پہلے بابر اعظم نے سابق بھارتی کپتان اور اوپنر روہت شرما کا نام لیا اور اسی سانس میں پاکستانی وکٹ کیپر بیٹسمین محمد رضوان اور فخر زمان کو بھی نہیں بھولے، ان کے چوتھے پسندیدہ کرکٹر ایک اور بھارتی مڈل آرڈر بیٹسمین سوریاکمار یادیو نکلے۔
Babar Azam picks players as World XI in T20I. pic.twitter.com/n8S1uYasQb
— Ahtasham Riaz (@ahtashamriaz22) May 15, 2025
سابق پاکستانی کپتان بابر اعظم نے ٹی20 کرکٹ کے فارمیٹ کو مدنظر رکھتے ہوئے انگلینڈ کے جارحانہ بیٹسمین جوس بٹلر اور جنوبی افریقہ سے تعلق رکھنے والے جارحانہ مڈل آرڈر بیٹسمین ڈیوڈ ملر کا بھی انتخاب کیا۔
اپنی یادداشت کو ٹٹولتے ہوئے بابر اعظم نے جنوبی افریقی آل راؤنڈر مارکو جینسن کا بھی نام لیا، جس کے بعد ورلڈ ٹی20 الیون کے بولنگ اسکواڈ میں ان کا پراعتماد انتخاب افغان اسپنر راشد خان ٹھہرے، آسٹریلوی فاسٹ بولرز پیٹ کمنز اور مچل اسٹارک اور انگلینڈ سے تعلق رکھنے والے رائٹ آرم فاسٹ بولر مارک ووڈ بابر اعظم کے منتخب کردہ پیس اٹیک کا حصہ بنتے نظر آئے۔
مزید پڑھیں:پی ایس ایل 10: بابر اعظم نے ناپسندیدہ ریکارڈ اپنے نام کرلیا، رضوان کی پہلی سینچری
بابر اعظم کی جانب سے ورلڈ ٹی20 الیون کے کرکٹرز کا انتخاب پورا ہونے پر اینکر نے اسے خوبصورت قرار دیتے ہوئے زبردست پلیئنگ الیون منتخب کرنے پر بابر اعظم کو سراہا۔
