ایران اور اسرائیل کے مابین جاری جھڑپوں کے باعث ایران میں پھنسے پاکستانی زائرین اور طلبہ کی واپسی کا عمل جاری ہے۔ انتظامیہ کے مطابق 709 پاکستانی شہری تفتان کے راستے سے بحفاظت کوئٹہ پہنچ دیا گیا ہے۔
یہ بھی پڑھیں: عراق میں پھنسے 415 پاکستانی زائرین کی وطن واپسی کا عمل شروع کر دیا گیا، پاکستانی سفارتخانہ بغداد
واپس آنے والوں میں 207 طالب علم اور 502 زائرین شامل ہیں جو اسرائیلی فضائی حملوں کے بعد ایران میں غیر یقینی صورتحال کے باعث پھنس کر رہ گئے تھے۔
ان تمام افراد کی واپسی بلوچستان حکومت، وزارت خارجہ اور دیگر متعلقہ اداروں کی بروقت کوآرڈینیشن کے باعث ممکن ہوئی۔
حکام کے مطابق واپس لائے گئے افراد کا مکمل اندراج، اسکریننگ اور ابتدائی طبی معائنہ سرحد پر کیا گیا اور پھر انہیں کوئٹہ منتقل کردیا گیا۔
مزید پڑھیے: عراق سے خصوصی پروازوں کے ذریعے 268 پاکستانی زائرین ملک واپس پہنچ گئے، وزارت خارجہ
وطن واپس پہنچنے والے زائرین اور طلبہ نےحکومت پاکستان، سیکیورٹی اداروں اور سرحدی حکام کا شکریہ ادا کرتے ہوئے کہا کہ مشکل حالات میں ان کی وطن واپسی یقینی بنانا ایک بہت بڑا ریلیف ہے۔ مزید تفصیل جانیے اس ویڈیو رپورٹ میں۔
