آج 21 جون ہے، یعنی سمر سولسٹس (Summer Solstice) وہ فلکیاتی دن جب سورج زمین کے شمالی نصف کرے (Northern Hemisphere) پر سب سے بلند مقام پر ہوتا ہے، اور دن کی روشنی سب سے طویل ہو جاتی ہے۔
📌 دن کی مدت: 13 گھنٹے 41 منٹ
🌙 رات کی مدت: 10 گھنٹے 19 منٹ
یہی وہ لمحہ ہے جب روشنی اندھیرے پر غالب آتی ہے، ہمیں امید، حرارت اور فطرت کی توانائی یاد دلاتی ہے۔
یہ دن خاص کیوں ہے؟
زمین اپنے محور پر 23.5 درجے جھکی ہوئی ہے، جس کے باعث سورج کی کرنیں 21 جون کو Tropic of Cancer پر عموداً پڑتی ہیں۔ یہی جھکاؤ دنیا میں موسمی تبدیلیوں کا باعث بنتا ہے۔ شمالی خطوں جیسے الاسکا، کینیڈا، اور اسکینڈینیویا میں تو Midnight Sun کا منظر ہوتا ہے، یعنی رات کو بھی اندھیرا نہیں چھاتا۔
کیا آپ جانتے ہیں؟
22 جون سے 22 دسمبر تک ہر روز قریباً 80 سیکنڈ کے حساب سے دن چھوٹا ہوتا ہے، یہاں تک کہ دسمبر میں دن صرف 10 گھنٹے کا اور رات 14 گھنٹے کی ہوجاتی ہے۔ 22 دسمبر سے 21 جون تک دن دوبارہ لمبے ہونے لگتے ہیں، مگر رفتار کم ہو جاتی ہے قریباً 45 سیکنڈ روزانہ۔
آج کا دن قدرت سے قربت، سورج کی روشنی سے توانائی لینے، اور زندگی میں امید کا جشن منانے کا دن ہے۔ سورج کی روشنی میں چھپی برکتیں محسوس کریں اور اس دن کو یادگار بنائیں۔
