سوشل میڈیا پر بانی پی ٹی آئی عمران خان کی بہن علیمہ خان کی ایک ویڈیو وائرل ہو رہی ہے جس میں ان سے صحافیوں نے سوال کیا کہ کیا عمران خان کو مائنس کر دیا گیا ہے؟ جس کے جواب میں انہوں نے کہا کہ ’میرا خیال ہے کہ مائنس ہی ہو گئے ہیں‘۔
ایک صحافی نے ان سے سوال کیا کہ خیبر پختونخوا کے ایم پی اے کہتے ہیں کہ علی امین گنڈاپور بہت طاقتور ہیں ہم انہیں ’ناں‘ نہیں کہہ سکتے۔ جس کے جواب میں علیمہ خان کا کہنا تھا کہ اگر بوجھ نہیں اٹھا سکتے تو گھر جائیں۔
علی امین گنڈاپور نے مائینس عمران خان کردیا۔ اگر کے پی ایم پی اے بوجھ نہیں اٹھا سکتے تو گھر جائیں۔ علیمہ خان
مکمل ویڈیو اس لنک پر۔
👇👇👇👇https://t.co/yyiXyodS5G pic.twitter.com/ezDWh4LM8W— Usman Chaudhary (@Usman_Ch92) June 24, 2025
علیمہ خان نے کہاکہ ہم نے خیبرپختونخوا حکومت سے بھیک مانگی کہ اگر آپ کو عمران خان سے ملاقات کی اجازت نہیں دی جاتی تو آپ اڈیالہ جیل کے باہر آکر بیٹھ جائیں لیکن کسی نے نہیں سنی۔
انہوں نے کہاکہ ایک بندہ یہاں آکر نہیں کہتا کہ ہم نے ملاقات کرنی ہے، ہمیں تو یقین ہی نہیں آرہا کہ خیبرپختونخوا اسمبلی نے بجٹ پاس کرلیا ہے کیوں کہ علی امین نے ہم سے وعدہ کیا تھا کہ بجٹ عمران خان سے مشاورت کے بعد پاس ہوگا۔
ہم نے “کے پی کے” حکومت سے بھیک مانگی کے اڈیالہ کے باہر پہنچیں کِسی نے نا سُنی۔۔۔علیمہ خان
بس ثابت ہوا “خان” کے ساتھ غداری ہوئی ہے۔۔۔
عُہدوں کے لالچی لوگوں نے اپنی عیاشیوں کو خان سے اوپر رکھا لعنت ہو سب پر۔۔۔۔— Omar Malik (@Mr_OmarMalik) June 24, 2025
ان کا مزید کہنا تھا کہ عمران خان پانچ ہفتے سے کہہ رہے تھے کہ مجھے سے مشاورت کے بغیر بجٹ پاس نہیں ہوگا۔
علیمہ خان کی اڈیالہ جیل کے باہر اس گفتگو کے بعد سوشل میڈیا صارفین مختلف تبصرے کررہے ہیں۔ کھیل داس کوہستانی نے لکھا کہ علیمہ خان بتا رہی ہیں کے عمران خان کو تحریک انصاف سے مائنس کر دیا گیا ہے، کوئی رُکن ملاقات کا خواہش مند نہیں۔
علیمہ باجی بتا رہی ہیں کے عمران خان کو تحریک انصاف سے مائنس کر دیا گیا ہے، کوئی رُکن ملاقات کا خواہش مند نہیں۔ pic.twitter.com/BzRQRbrqye
— Kheeal Das Kohistani (@KesooMalKheealD) June 24, 2025
ایک صارف نے علیمہ خان کی ویڈیو پر تبصرہ کرتے ہوئے کہا کہ مائنس عمران خان ہم نہیں مانتے۔
#MinusKhanAbsolutelyNot
ماںٔنس عمران خان ہم نہیں مانتے— Nabeel-rajpoot🌟ⁱᴾⁱᵃⁿ (@nabeelaslam753) June 24, 2025
ایک ایکس صارف نے کہا کہ عمران خان کے ساتھی سب مفاد پرست اور کھوٹے سکے ہیں۔ انہوں نے مزید کہا کہ علیمہ خان صاحبہ کی ٹوٹی ہوئی آواز اور لہجے سے بہت دکھ ہو رہا ہے۔
خان کے ساتھی سب مفاد پرست ،کھوٹے سکے ہیں علیمہ خان صاحبہ کی ٹوٹی ہوئ آواز اور لہجے سے بہت دکھ ہو رہا ہے https://t.co/ucoT03lrhE
— Tea-Licious (@Licioustea) June 24, 2025
ایک ایکس صارف کا کہنا تھا کہ اگلے الیکشن میں موجودہ پی ٹی آئی ایم پی ایز کو کوئی خیبرپختونخوا میں ووٹ نہیں دے گا۔
انشاء اللہ اگلے الیکشن میں موجودہ پی ٹی آئی آیم پی ایز کو کوئی کے پی کے میں ووٹ نہیں دیگا۔
— Just Chill (@Bradfordian26) June 24, 2025
علیمہ خان نے راولپنڈی میں اڈیالہ جیل کے باہر گفتگو کرتے ہوئے مزید کہا کہ خیبر پختونخواہ حکومت کو بجٹ پاس کرنے کی کیا جلدی تھی، بجٹ میں عمران خان سے کیا چھپایا گیا ہے اسے پاس کرنے کے لیے بانی کا دو دن بھی انتظار نہیں کیا۔
