کراچی کے علاقے ڈیفنس فیز 6 سے اداکارہ حمیرا اصغر کی لاش ملنے کے واقعہ نے پورے معاشرے کو تشویش میں مبتلا کردیا ہے۔
اس افسوس ناک واقعہ سے متعلق ڈی آئی جی ساؤتھ کراچی اسد رضا نے بتایا کہ حمیرا اصغر نے فلیٹ 20 دسمبر 2018 کو کرائے پر لیا تھا۔ کرایہ نہ بڑھانے پر انہیں پہلا نوٹس 3 جون 2021 کو بھیجا گیا، جبکہ 13 جون 2021 کو اداکارہ کو گھر خالی کرنے کو کہا گیا۔
ڈی آئی جی ساؤتھ کے مطابق 17 جون 2021 کواداکارہ کو دوسرا نوٹس بھیجا گیا، کیونکہ حمیرا اصغر کافی عرصے سے کرایہ ادا نہیں کر رہی تھیں۔ بعدازاں حمیرا اصغر نے ایک سال پہلے گھر خالی کرنے کی یقین دہانی کروائی تھی۔ جب مالک مکان کا حمیرا اصغر سے رابطہ ختم ہوا تو کورٹ سے رجوع کیا گیا۔
ڈی آئی جی ساؤتھ کے مطابق اس معاملے کی مختلف پہلووں سے تفتیش جاری ہے۔ کیمیکل اور پوسٹ مارٹم رپورٹ میں کافی چیزیں واضح ہوجائیں گی۔ انہوں نے بتایا کہ وہ حمیرا اصغر کی فیملی سے رابطے میں ہیں۔
