برسات کے مسلسل سلسلے کے باعث برہان نالہ اور ڈھوک بڈیر جہلم میں شدید طغیانی آ گئی ہے، جس کے نتیجے میں گاؤں ڈھوک بڈیر، نالہ برہان کے قریب تقریباً 25 افراد سیلابی ریلے میں پھنس گئے۔
اسلام آباد اور راولپنڈی میں طوفانی بارشیں، دریائے سواں میں طغیانی کے مناظر!
تفصیلات؛ https://t.co/g0w1GrwAOy pic.twitter.com/GwibWbHbAN— WE News (@WENewsPk) July 17, 2025
سیلابی پانی میں پھنسے ہوئے 10 افراد کو بحفاظت نکال لیا گیا ہے، جب کہ دیگر متاثرین کو بچانے کے لیے ریسکیو آپریشن جاری ہے۔
پاک فوج کی ریسکیو ٹیم ہیلی کاپٹر کے ذریعے امدادی کارروائیوں میں مصروف ہے۔ متاثرین کو لائف جیکٹس فراہم کر دی گئی ہیں اور فوری امداد کی فراہمی بھی جاری ہے۔
یہ بھی پڑھیں:
مقامی انتظامیہ اور پاک فوج مشترکہ طور پر صورتِ حال کی نگرانی کر رہے ہیں۔
نشیبی علاقوں کے رہائشیوں سے ہوشیار رہنے اور متعلقہ حکام کی ہدایات پر عمل کرنے کی اپیل کی گئی ہے۔
راولپنڈی میں طوفانی بارشوں نے تباہی مچا دی، خطرے کے سائرن بجا دیے گئے
تفصیلات؛ https://t.co/g0w1GrwAOy pic.twitter.com/CsneZCFJFo— WE News (@WENewsPk) July 17, 2025
واضح رہے کہ پنجاب، خیبر پختونخوا اور اسلام آباد میں شدید مون سون بارشوں نے تباہی مچا دی ہے۔ چکوال، راولپنڈی، لاہور اور دیگر اضلاع میں مکانات گرنے، نالوں کی طغیانی اور سیلابی ریلوں کے باعث مجموعی طور پر 36 سے زائد افراد جاں بحق اور 90 سے زائد زخمی ہو چکے ہیں۔
