اسلام آباد، راولپنڈی میں گزشتہ روز سے بارش کا سلسلہ جاری ہے جس کے نتیجے میں بحریہ ٹاؤن فیز 8 بھی ڈوب گیا جس کی ویڈیوز سوشل میڈیا پر وائرل ہو رہی ہیں اور صارفین اس پر خوب تنقید بھی کرتے نظر آ رہے ہیں۔
احمد وڑائچ نے ویڈیو شیئر کرتے ہوئے لکھا کہ قدرت سے پنگا لیں گے تو یہی ہو گا۔ پانی کی قدرتی گذرگاہوں سے چھیڑ چھاڑ تباہی لائے گی۔
بحریہ ٹاؤن فیز 8 پنڈی
قدرت سے پنگا لیں گے تو یہی ہو گا۔ پانی کی قدرتی گذرگاہوں سے چھیڑ چھاڑ تباہی لائے گی pic.twitter.com/lQms4Y5wt0
— Ahmad Warraich (@ahmadwaraichh) July 17, 2025
ایک ایکس صارف نے لکھا کہ یہ بحریہ فیز 8 ہے، یہ والا علاقہ شاملات کا تھا سب جنگل کاٹ کر بنایا ہوا ہے اور اس کا ایک حصہ قدرے اونچائی پر بھی ہے۔
یہ بحریہ فیز 8ہے یہ والا علاقہ شاملات کا تھا سب جنگل کاٹ کر بنایا ہوا ہے اس کا ایک حصہ قدرے اونچائی پر بھی ہے
pic.twitter.com/qJIJjtI1GS— RAShahzaddk (@RShahzaddk) July 17, 2025
عابد نامی صارف نے لکھا کہ مہنگی ترین سوسائٹی ایک بارش بھی برداشت نہیں کر سکی، پل ٹوٹ گیا اور لوگوں کو شدید مشکلات کا سامنا ہے۔ ان کا مزید کہنا تھا کہ نکاسی کے راستے میں بلڈنگز بنا کر رکاوٹیں کھڑی کر دی جائیں تو پھر یہی کچھ ہوتا ہے۔
یہ بحریہ ٹاؤن اسلام آباد راولپنڈی فیز 8 ہے جی ہاں ملک ریاض پراپرٹی ٹائیکون کا بحریہ ٹاؤن کوئی بڑے سے بڑا صحافی یہ سب شئیر نہیں کریں گے کیونکہ سب کو مال لگایا گیا ہے مہنگی ترین سوسائٹی ایک بارش برداشت نہیں کر سکی پل ٹوٹ گیا اور لوگوں کو شدید مشکلات کا سامنا ہے پانی کا تیز بہاو… pic.twitter.com/jAezQFDNu7
— Abid Dhariwal (@a__bd26) July 17, 2025
شیراز حسن لکھتے ہیں کہ دی نالوں اور دریاؤں کے راستے میں اگر تعمیرات کریں گے تو تباہی تو لازمی ہے۔ یہ کلائمیٹ چینج نہیں، انسانوں کی پیدا کردہ تباہی ہے
راولپنڈی بحریہ ٹاؤن فیز 8، ندی نالوں اور دریاؤں کے راستے میں اگر تعمیرات کریں گے تو تباہی تو لازمی ہے۔ یہ کلائمیٹ چینج نہیں، انسانوں کی پیدا کردہ تباہی ہے pic.twitter.com/5yuAJrx8pF
— Shiraz Hassan (@ShirazHassan) July 17, 2025
ڈاکٹر شمع جونیجو نے کہا کہ جب پاگلوں کی طرح بلڈنگز پہ بلڈنگز اور بغیر سیوریج پلاننگ کے بنگلوں کی قطاریں بنیں گی تو یہ تو ہوگا۔ یہ راولپنڈی کا سب سے مہنگا بحریہ ٹاؤن ہے اور 2 دن کی بارش کے بعد اس علاقے کی حالت دیکھیں۔
جب پاگلوں کی طرح بلڈنگس پہ بلڈنگس اور بغیر سیوریج پلاننگ کے بنگلوں کی قطاریں بنیں گی تو یہ تو ہوگا۔
یہ راولپنڈی کا سب سے مہنگا بحریہ ٹاؤن ہے، دو دن کی بارش کے بعد حالت دیکھیں— Dr Shama Junejo (@ShamaJunejo) July 17, 2025
واضح رہے کہ پاکستان میں مون سون کی بارشوں کا سلسلہ جاری ہے جس سے ملک بھر میں سیلابی صورتحال پیدا ہو چکی ہے، شدید بارش نے کئی شہروں کا نظام درہم برہم کر دیا ہے۔ کئی نشیبی علاقے زیرِ آب آ چکے ہیں۔ نالوں کے بھرنے کے سبب متعدد راستوں پر ٹریفک کو مشکلات کا سامنا ہے، کئی گاڑیاں پانی میں بہہ گئی ہیں اور اب تک ہزاروں ہلاکتیں ہو چکی ہیں ۔
قدرتی آفات سے نمٹنے کے ادارے پی ڈی ایم اےکا کہنا ہے کہ گذشتہ 24 گھنٹوں میں پنجاب میں مون سون بارشوں کے نتیجے میں 63 افراد ہلاک جبکہ 290 زخمی ہو چکے ہیں۔ ترجمان پی ڈی ایم اے کے مطابق، رواں سال مون سون بارشوں کے باعث صوبے میں 103 شہری ہلاک اور 393 زخمی ہوئے ہیں جبکہ 128 مکانات بھی متاثر ہوئے ہیں۔
پی ڈی ایم اے کی جانب سے جاری بیان میں کہا گیا ہے کہ گذشتہ 24 گھنٹوں میں لاہور میں 15، فیصل آباد میں 9، اوکاڑہ میں 9، ساہیوال میں 5 جبکہ پاکپتن میں 3 افراد ہلاک ہوئے ہیں۔
