معروف اداکارہ و میزبان کرن خان نے اپنی طلاق سے متعلق بات کرتے ہوئے کہا ہے کہ طلاق میں ان کے شوہر کا کوئی قصور نہیں تھا۔
کرن خان نے حال ہی میں ایک نجی ٹی وی پروگرام میں شرکت کی اور بتایا کہ میری شوہر کے ساتھ نہ لڑائی جھگڑا تھا اور نہ کسی تیسرے شخص کا کوئی کردار تھا لیکن یہ طلاق ہونی تھی کیونکہ دونوں کی شخصیات مختلف پرتھیں۔
View this post on Instagram
انہوں نے کہا کہ طلاق کے وقت سسرال اور میکے والوں نے سمجھداری کا مظاہرہ کیا جس کا نتیجہ یہ نکلا کہ کسی بھی غلط فہمی کے بغیر ان کی طلاق کے معاملات طے پاگئے اور اس کا منفی اثر بیٹے پر نہیں پڑا۔ بیٹے کو دونوں طرف سے محبت اور مثبت ماحول ملا جس کی وجہ سے اُس کی پرورش پُرسکون طریقے سے ہوئی۔
اداکارہ کرن خان کی ویڈیو سوشل میڈیا پر وائرل ہوئی تو صارفین کی جانب سے سوال اٹھایا گیا کہ اگر شوہر اتنے اچھےتھے تو طلاق کیوں ہوئی، ایک صارف نے سوال کیا کہ اگر دونوں اتنے سمجھدار تھے تو ایک بچہ ہونے کے بعد طلاق کیوں ہو گئی۔
واضح رہے کہ اداکارہ کرن خان کی طلاق ہوچکی ہے اور ان کا سابق شوہر سے ایک بیٹا بھی ہے، جس کے ساتھ وہ اکثر تصاویر شیئر کرتی رہتی ہیں۔
