اقرار الحسن جو پاکستان کے معروف صحافی اور ٹی وی میزبان ہیں ان شخصیات میں شامل ہیں جو اپنے پیشہ ورانہ کام کے ساتھ ساتھ ذاتی زندگی اور خصوصاً تین شادیوں کے باعث بھی خبروں کی زینت بنتے رہتے ہیں۔
حال ہی میں وہ علی حمزہ کے پوڈکاسٹ میں مہمان بنے جہاں انہوں نے اپنی تینوں بیویوں کا ذکر کیا اور یہ بھی بتایا کہ تیسری اہلیہ عروسہ کی کون سی عادت انہیں ناپسند ہے۔
یہ بھی پڑھیں: فرح باقی بیویوں سے دُور کیوں رہتی ہیں؟ اقرار الحسن نے اپنی تینوں بیویوں سے متعلق اہم باتیں بتادیں
اقرار الحسن نے بتایا کہ عروسہ سے ان کی سات آٹھ سال سے دوستی تھی۔ وہ بہت زندہ دل اور خوش مزاج ہیں۔ انہوں نے بتایا کہ ہمیں آج تک یہ سمجھ نہیں آئی کہ وہ سادہ زیادہ ہیں یا سمجھدار۔
ان کا کہنا تھا کہ سادگی کی بات آئے تو عروسہ کو اے سی کا رموٹ تک چلانا نہیں آتا اور سمجھداری کی بات کریں تو وہ بڑے بڑے مسئلے آسانی سے سلجھا دیں گی۔ کس سے کیا ڈیل کرنا ہے، کیا جواب دینا ہے اور کتنا فاصلہ رکھنا ہے انہیں سب معلوم ہے۔
عروسہ کی ناپسندیدہ عادت کے بارے میں بات کرتے ہوئے اقرار نے بتایا کہ وہ کہتی ہیں کہ میں آپ کا موڈ دیکھ کر بات کر رہی تھی، میں سوچ رہی تھی کہ آپ کو برا تو نہیں لگ رہا تو ضرورت سے زیادہ حساس ہو کر بھی آپ تعلق کو مشکل بنا دیتے ہیں۔
یہ بھی پڑھیں: اقرار الحسن کی پہلی بیوی قرۃ العین کا شوہر کی تیسری بیوی عروسہ کو انٹرویو، کیا اہم باتیں ہوئیں؟
ان کا کہنا تھا کہ میں آج کل ان کو یہ سمجھا رہا ہوتا ہوں کہ شوہروں کی اتنی پرواہ کرنے کی بھی ضرورت نہیں ہوتی۔ جب مجھے کچھ برا لگے گا تو میں بتا دوں گا۔ اب ہر چیز کرنے سے پہلے میری طرف دیکھیں کہ میرا موڈ کیسا ہے تو یہ اچھا نہیں ہے۔
