اسلام آباد کی ڈسٹرکٹ اینڈ سیشن کورٹ نے 9 مئی واقعات کے مقدمات میں گرفتار تحریک انصاف کے 63 کارکنوں کی ضمانت بعد از گرفتاری کی درخواستیں منظور کرلیں۔
یہ بھی پڑھیں: 9 مئی واقعات: سپریم کورٹ نے بانی پی ٹی آئی عمران خان کی 8 مقدمات میں ضمانت منظور کرلی
میڈیا رپورٹس کے مطابق جوڈیشل مجسٹریٹ مرید عباس نے محفوظ کیا گیا فیصلہ سناتے ہوئے کارکنوں کی رہائی کا حکم دیا۔
عدالت نے تھانہ مارگلہ میں درج مقدمے میں گرفتار 40 کارکنوں اور تھانہ انڈسٹریل ایریا میں درج مقدمے میں گرفتار 23 کارکنوں کی ضمانت منظور کی۔
رہائی پانے والے کارکنوں پر اقدام قتل، ڈکیتی اور دیگر سنگین دفعات کے تحت مقدمات قائم کیے گئے تھے۔
یہ بھی پڑھیں: بیرسٹر گوہر کا 9 مئی پر معافی سے متعلق بیان، پی ٹی آئی کا وضاحتی ردعمل سامنے آگیا
واضح رہے کہ آج ہی سپریم کورٹ نے 9 مئی کے 8 کیسز میں بانی پی ٹی آئی عمران خان کی ضمانت منظور کرتے ہوئے انہیں رہا کرنے کا حکم دیا ہے۔
