پاکستان کی بہادر خاتون پولیس افسر اے ایس پی شہربانو نقوی نے شاندار عالمی اعزاز اپنے نام کر لیا۔ ایشیا سوسائٹی نے انہیں ایشیا 21 نیکسٹ جنریشن فیلو شپ کلاس آف 2025ء کے لیے منتخب کیا ہے۔
شہربانو نقوی کو معاشرے کے کمزور طبقات کے تحفظ، پولیس سسٹم میں مثبت تبدیلی اور خدمات کے اعتراف میں اس اعزاز کے لیے نامزد کیا گیا۔
یہ بھی پڑھیے: شہر بانو نقوی وزیر داخلہ محسن نقوی کی پرنسل سیکیورٹی آفیسر تعینات
اس فیلوشپ کے لیے ایشیا کے 27 ممالک سے تعلق رکھنے والے مختلف شعبوں کے 30 نمایاں افراد کا انتخاب عمل میں آیا، جن میں پاکستان کی نمائندگی شہربانو نقوی نے کی۔
اہم بات یہ ہے کہ اے ایس پی شہربانو نقوی پاکستان کی تاریخ میں پہلی خاتون پولیس افسر ہیں جنہیں اس عالمی فیلوشپ کے لیے منتخب کیا گیا ہے۔
پاکستانی خاتون پولیس افسر کا شاندار اعزاز، ایشیا سوسائٹی 21 نیکسٹ جنریشن فیلو شپ کے لئے منتخب،
ایشیا سوسائٹی نے اے ایس پی شہربانو نقوی کو کلاس آف 2025ء میں معاشرے کے کمزور طبقات کے تحفظ، سسٹم میں تبدیلی کے حوالے سے گراں قدر کاوشوں، خدمات کے لئے منتخب کیا،
ایشیا 21 نیکسٹ جنریشن… pic.twitter.com/MKsTOJO3hn— Punjab Police Official (@OfficialDPRPP) September 7, 2025
انسپکٹر جنرل پنجاب ڈاکٹر عثمان انور نے اے ایس پی شہربانو نقوی کو دنیا بھر میں پاکستان اور پنجاب پولیس کا نام روشن کرنے پر مبارکباد دیتے ہوئے کہا کہ پنجاب پولیس کے افسران کی کارکردگی کی عالمی سطح پر پذیرائی پوری پولیس سروس کے لیے باعثِ فخر ہے۔
