جاپان میں پولیس نے جمعرات کو 75 سالہ خاتون کو گرفتار کیا ہے جس نے اعتراف کیا کہ اس نے اپنی بیٹی کی لاش پچھلے 20 سالوں سے فریزر میں محفوظ رکھی تھی۔
یہ بھی پڑھیں: 2 بچوں کو قتل کرکے لاشیں برسوں تک سوٹ کیس میں چھپانے والی ماں پر جرم ثابت
پولیس کے مطابق تفتیش کاروں نے منگل کو ٹوکیو کے شمال مشرق میں واقع ایباراکی صوبے میں رہائش پذیر خاتون کییکو موری کے گھر میں ایک ڈیپ فریزر کے اندر ایک بالغ خاتون کی لاش دریافت کی۔
پولیس ترجمان کے مطابق موری نے لاش کی شناخت اپنی بیٹی مکی کو کے طور پر کی جو سنہ 1975 میں پیدا ہوئی تھی اور اب 50 سال سال کی ہوتی۔
ترجمان نے بتایا کہ لاش کی سڑن بڑھ رہی تھی اور موت کی وجوہات معلوم کرنے کے لیے پوسٹ مارٹم کیا جائے گا۔
موری ایک رشتہ دار کے ہمراہ منگل کو خود پولیس کے پاس گئی اور بتایا کہ وہ لاش کو فریزر میں رکھتی رہی ہے۔
مزید پڑھیے: تیسری بیوی کے ہاتھوں قتل ہونے والے شخص کی لاش کہاں سے ملی؟
جب پولیس نے موری کے ساتھ گھر کا معائنہ کیا تو لاش فریزر کے اندر منہ کے بل گھٹنوں کے بل پڑی ہوئی تھی۔
موری کو لاش کو اس طرح فریزر میں رکھ دینے کے الزام میں گرفتار کر لیا گیا ہے۔ موری نے تفتیش کاروں کو بتایا کہ گھر میں بدبو پھیل رہی تھی۔
موری کی کئی اولادیں ہیں تاہم پولیس نے یہ نہیں بتایا کہ ان بچوں نے اپی ماں کے حوالے سے کیا بیان دیا۔
مزید پڑھیں: چینی جوڑے کو باکس میں ملنے والی پاکستانی لڑکی نے سوشل میڈیا مداح سے شادی کیوں کی؟
ترجمان کے مطابق موری اپنے شوہر کی اسی ماہ موت کے بعد اکیلی رہ رہی تھی۔
