فیڈرل بورڈ آف ریونیو یعنی ایف بی آر نے وضاحت کی ہے کہ ٹیکس سال 2025 کے انکم ٹیکس ریٹرنز جمع کرانے کی آخری تاریخ 30 ستمبر ہی مقرر ہے اور اس میں کسی قسم کی توسیع نہیں کی گئی۔
ایف بی آر کے مطابق بعض حلقوں کی جانب سے سیلاب کو بنیاد بنا کر تاریخ بڑھانے کی خبریں بے بنیاد ہیں، کیونکہ زیادہ تر ٹیکس دہندگان غیر متاثرہ علاقوں سے تعلق رکھتے ہیں۔
یہ بھی پڑھیں: انکم ٹیکس گوشوارے جمع کرانے والوں کی تعداد 35 لاکھ 80 ہزار ہوگئی: ایف بی آر
ادارے نے واضح کیا کہ آئرس سسٹم مکمل طور پر فعال ہے اور ریٹرنز باآسانی جمع کرائے جا سکتے ہیں۔
FBR has dismissed reports of deadline extension for income tax returns, reaffirming Sept 30, 2025 as the final date. Taxpayers are urged to file on time via IRIS to avoid penalties. Reports of system slowdown & form changes termed “false & misleading.” #Pakistan #FBR pic.twitter.com/TCu1lOq9r4
— PEconomist (@peconomist_) September 29, 2025
ترجمان ایف بی آر نے کہا کہ جو ٹیکس دہندگان مقررہ تاریخ تک ریٹرنز جمع نہیں کرائیں گے انہیں لیٹ فائلر قرار دیا جائے گا، جبکہ تاخیر کی صورت میں قانون کے مطابق جرمانے بھی عائد ہوں گے۔
مزید پڑھیں: ایف بی آر خفیہ دولت کی تلاش کے لیے کونسے نئے طریقے اپنا رہا ہے؟
ایف بی آر نے ٹیکس دہندگان کو ہدایت کی ہے کہ وہ مقررہ وقت کے اندر درست اور ایمانداری سے ریٹرنز جمع کرائیں۔
ادارے کے مطابق صرف انتہائی مجبوری کی صورت میں واجب الادا ٹیکس ادا کرنے کے بعد 15 دن کی توسیع حاصل کی جا سکتی ہے۔
