ٹیسلا کے سی ای او ایلون مسک نے اوپن اے آئی کے سربراہ سیم آلٹمین کے اُن بیانات پر سخت ردعمل دیا ہے جن میں انہوں نے دفتر میں استعمال ہونے والے پروڈکٹیوٹی ٹولز جیسے سلیک پر تنقید کی تھی۔
اوپن اے آئی کے سربراہ سیم آلٹمین نے حال ہی میں کہا کہ اگرچہ سلیک کے کئی مثبت پہلو ہیں، لیکن یہ بہت سا جعلی کام بھی پیدا کرتا ہے۔
یہ بھی پڑھیں: ایلون مسک دنیا کے پہلے ٹریلیئنر بننے کے قریب؟ اس کا دنیا پر کیا اثر پڑےگا؟
وائرل ہونے والی ایک ویڈیو میں سیم آلٹمین نے کہا کہ موجودہ ورک پلیس ٹولز جیسے سلیک، گوگل ڈاکس، ای میل اور پاورپوائنٹ کو جلد نئی نسل کے اے آئی سسٹمز تبدیل کردیں گے۔
Sam Altman says Slack has many positives, but it creates endless fake work
We need an AI-native productivity suite to replace docs, slides, email, and Slack
Not add-on features, but trusted agents that handle work and only escalate when needed
This finally feels within reach pic.twitter.com/aEYvokzvrA
— Haider. (@slow_developer) November 9, 2025
انہوں نے کہا کہ سلیک کے بارے میں کچھ مثبت پہلو ہیں، مگر صبح کے پہلے گھنٹے یا سونے سے قبل آخری وقت میں جب میں سلیک پر ہونے والے پیغامات کے سیلاب سے نمٹتا ہوں، تو یہ بہت سا جعلی کام محسوس ہوتا ہے۔
آلٹمین نے مزید کہا کہ مستقبل قریب میں ایسا پلیٹ فارم ممکن ہے جہاں میرا اے آئی ایجنٹ اور آپ کا اے آئی ایجنٹ زیادہ تر کام خود نمٹائیں گے اور صرف ضروری صورتوں میں انسان کو شامل کیا جائے گا۔
As Elon Musk predicted a long time ago… pic.twitter.com/oGpjFnJJBL
— DogeDesigner (@cb_doge) November 9, 2025
آلٹمین کے اس بیان پر ردعمل دیتے ہوئے ایلون مسک نے سوشل میڈیا پلیٹ فارم ایکس پر تبصرہ کیا کہ جیسا کہ میں کہہ رہا تھا، اوپن اے آئی اب مائیکروسافٹ کے ساتھ براہِ راست مقابلے میں آئے گی۔
