گلوکار اور نغمہ نگار جیکسن براؤن نے اعلان کیا کہ ان کے ماڈل، اداکار اور موسیقار بیٹے ایتھن براؤن انتقال کر گئے ہیں۔
’رننگ آن ایمپٹی‘ کے گلوکار کے آفیشل فیس بک اکاؤنٹ پر جاری بیان میں بتایا گیا کہ ایتھن منگل کی صبح چل بسے، ان کی عمر 52 برس تھی۔ وجۂ موت تاحال معلوم نہیں۔
یہ بھی پڑھیں: ہالی ووڈ کے لیجنڈری اداکار رابرٹ ریڈفورڈ 89 برس کی عمر میں انتقال کر گئے
بیان میں کہا گیا ہے کہ 25 نومبر کی صبح جیکسن براؤن اور فِلس میجر کے بیٹے ایتھن براؤن اپنے گھر میں بے ہوش پائے گئے اور انتقال کر گئے۔
’اس مشکل وقت میں ہم خاندان کی نجی نوعیت کا احترام کرنے کی درخواست کرتے ہیں۔ اس وقت مزید تفصیلات دستیاب نہیں۔‘
Ethan Browne passed today. He was the son of Jackson Browne and model/actress Phyllis Major. Ethan was 6 months old when he made the cover of the Rolling Stone with his dad. He later modeled, was in Hackers and Raising Helen and went on to produce. He was 52. 🙏❤️🎶 pic.twitter.com/9HEoC3bPq9
— Kristy Mills (@ocnaturaldoc) November 26, 2025
رپورٹس کے مطابق ایتھن نے آئیزک مِزراہی سمیت کئی فیشن ڈیزائنرز کے لیے ماڈلنگ کی۔ انہوں نے 1995 کی اینجلینا جولی اور جونی لی ملر کی فلم ’ہیکرز‘، کیٹ ہڈسن کی فلم ’ریزنگ ہیلن‘ اور ٹی وی سیریز ’برڈز آف پرے‘ میں بھی کام کیا۔
ایتھن نے اپنے والد کی طرح موسیقی میں بھی قدم رکھا، وہ ایلائن زین نامی میوزیکل جوڑی کا حصہ تھے، جس کے دوسرے رکن کیٹ کولبرٹ کے والد چارلس کولبرٹ ہیری بیلافونٹے سمیت دیگر فنکاروں کے ساتھ بطور باس گِٹارسٹ کام کر چکے ہیں۔ اس جوڑی نے 2022 میں اپنا ڈیبیو البم ’رائٹ بیفور یور آئیز‘ جاری کیا۔
مزید پڑھیں: 90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟
2 نومبر 1973 کو پیدا ہونے والے ایتھن، جیکسن اور ماڈل فِلس میجر کے بیٹے تھے۔
1974 میں، محض 6 ماہ کی عمر میں، وہ اپنے والد کے ساتھ رولنگ اسٹون میگزین کے سرورق پر بھی چھپ چکے تھے۔
جیکسن اور میجر کی شادی دسمبر 1975 سے مارچ 1976 تک صرف 4 ماہ برقرار رہی، جب فِلس میجر نے خودکشی کر لی تھی۔ اُس وقت ایتھن کی عمر صرف 2سال تھی۔
