معروف اداکارہ صبا فیصل نے ’گڈ مارننگ پاکستان‘ میں اپنی باتیں کرتے ہوئے بہوؤں کے لیے اہم مشورے دیے، جس پر فضا علی اور مامیا شاہ جعفر نے تنقید کی ہے۔
یہ بھی پڑھیں:اداکارہ صبا فیصل نے انڈین کمرشل کرنے سے انکار کیوں کیا؟
صبا فیصل نے کہا کہ ساس کو چاہیے کہ بہو کے کپڑے اپنی مرضی سے نہ چننے دے بلکہ اپنی پسند کے مطابق کپڑے خریدے جائیں۔ ان کے مطابق اگر پہلے دن سے لڑکی کو اپنی پسند کی اجازت دے دی جائے تو یہ غلط انتخاب کی بنیاد بن سکتا ہے۔
انہوں نے یہ بھی کہا کہ خوش رہنے کے لیے ساس کے گھر میں بہو کو ’بند کان اور بند منہ‘ ہونا چاہیے تاکہ وہ باآسانی گزارا کر سکے۔
لیکن فضا علی اور مامیا شاہ جعفر نے صبا فیصل کے اس موقف سے اتفاق نہیں کیا۔ فضا علی نے انسٹاگرام پر کہا کہ گھر تبھی خوشگوار ہوتا ہے جب وہاں رہنے والی عورت پر سکون ہو۔ فیصلے مل کر کرنے چاہییں اور باہمی احترام اور محبت ضروری ہے۔ اگر عورت کو صرف ’امن‘ قائم رکھنے کے لیے خاموش رہنا پڑے تو وہ گھر نہیں بلکہ محض رہائش ہوگی۔
یہ بحث سوشل میڈیا پر کافی وائرل ہو گئی اور لوگوں میں مختلف ردعمل پیدا کر دیا۔
