بھارت کے دہلی میں واقع ایک ایم سی ڈی پارک میں کام کرنے والے جنوبی افریقی فٹ بال کوچ کو ہندی نہ سیکھنے پر بھارتیہ جنتا پارٹی (بی جے پی) کی مقامی کونسلر دھمکیاں دے رہی ہیں کہ اگر ایک مہینے میں ہندی نہ سیکھی تو پارک سے نکال دیا جائے گا۔
بی جے پی کی مقامی کونسلر رینو چودھری کی جانب سے دی گئی اس دھمکی کی ویڈیو سوشل میڈیا پر وائرل ہو رہی ہے۔ ویڈیو میں رینو چودھری کو غیر ملکی کوچ سے سخت لہجے میں سوال کرتے ہوئے سنا جا سکتا ہے کہ وہ طویل عرصے سے بھارت میں رہنے کے باوجود ہندی کیوں نہیں سیکھ سکا۔
یہ بھی پڑھیں: کرسمس کی تقریبات میں خواتین پر ہندوتوا کارکنان کا حملہ، زبردستی اور بدسلوکی کی ویڈیوز وائرل
ویڈیو میں وہ یہ کہتے ہوئے نظر آتی ہیں کہ جس میں وہ کہتی ہیں کہ اگر یہاں کا پیسہ کھا رہے ہو تو ہندی بولنا بھی سیکھو، اگر اس کو پارک لینا ہے تو ہندی سیکھ کر آئے گا ورنہ اسے پارک استعمال کرنے کی اجازت نہیں دی جائے گی۔
An African man has been teaching football to Indian kids in a park in Delhi for the last 12 years
BJP councillor Renu Chaudhary went to the park and gave him an ultimatum, if he doesn’t learn Hindi within the next one month, he must leave India
New Indiapic.twitter.com/zJR1JUx7CG
— Dr Nimo Yadav 2.0 (@DrNimoYadav) December 22, 2025
یہ واقعہ مبینہ طور پر 13 دسمبر کو پیش آیا جس کے بعد سیاسی اور سماجی ردعمل سامنے آنے لگے اور کونسلر پرشدید تنقید کی جا رہی ہے۔ مذکورہ غیر ملکی کوچ گزشتہ 14 سے 15 برسوں سے دہلی میں مقیم ہے اور مقامی بچوں کو فٹ بال کی تربیت دیتا ہے۔
سوشل میڈیا پر بڑی تعداد میں صارفین نے اس واقعے کو زبان اور قومیت کی بنیاد پر دھمکانے سے تعبیر کیا ہے اور کہا ہے کہ یہ ہر جگہ ہندی کیوں مسلط کرنا چاہتے ہیں تو کسی نے کہا کہ پہلے آپ تمیز سے بات کرنا سیکھیں۔
یہ بھی پڑھیں: مدھیہ پردیش: بی جے پی رہنما کی نابینا خاتون سے بدسلوکی، ویڈیو وائرل
تنازع بڑھنے کے بعد رینو چودھری نے اپنے اقدام کا دفاع کرتے ہوئے کہا کہ پارک کے صفائی ملازمین اور میونسپل عملے کو کوچ سے بات چیت میں مشکلات پیش آتی ہیں کیونکہ وہ ہندی نہیں سمجھتا۔ ان کا الزام ہے کہ کوچ ایم سی ڈی پارک کو بغیر اجازت اور فیس ادا کیے تجارتی مقاصد کے لیے استعمال کر رہا تھا۔
کونسلر کے مطابق پارک میں سرگرمیاں مقررہ وقت یعنی رات 8 بجے کے بعد بھی جاری رہتی تھیں اور صفائی و نظم و ضبط سے متعلق ہدایات کو کوچ زبان نہ سمجھنے کا بہانہ بنا کر نظرانداز کرتا رہا۔ رینو چودھری نے یہ بھی دعویٰ کیا کہ انہوں نے آٹھ ماہ قبل کوچ کو بنیادی ہندی سیکھنے کا مشورہ دیا تھا اور یہاں تک کہ اس کی فیس ادا کرنے کی پیشکش بھی کی تھی۔
دوسری جانب غیر ملکی کوچ کا کہنا ہے کہ وہ صرف بچوں کو فٹ بال سکھا رہا تھا اور اس کے ساتھ بھارتی شہری بھی موجود ہوتے ہیں جو رابطے میں مدد کرتے ہیں۔
