بھارت کی فوڈ سیفٹی اینڈ اسٹینڈرڈز اتھارٹی (FSSAI) نے واضح کیا ہے کہ کون سی مصنوعات پر ’چائے‘ لکھا جا سکتا ہے تاکہ صارفین کو گمراہ کرنے سے بچایا جا سکے۔
مزید پڑھیں: کوئٹہ کی سلیمانی چائے، سرد شہر کی گرم پہچان اور روایتی ذائقہ
اتھارٹی کے مطابق، صرف وہ مشروبات جو کامیلیا سینیسیس (Camellia sinensis) سے بنے ہوں، جیسے کانگرا چائے، گرین ٹی اور انسٹنٹ ٹی، انہیں ’چائے‘کے نام سے لیبل کیا جا سکتا ہے۔ جو مشروبات دیگر پودوں یا جڑی بوٹیوں سے بنتے ہیں، انہیں ہربل یا پلانٹ بیسڈ کہا جا سکتا ہے، لیکن انہیں چائے نہیں لکھا جا سکتا، کیونکہ یہ غلط لیبلنگ شمار ہوگی۔
اتھارٹی نے تمام فوڈ بزنس آپریٹرز، بشمول ای کامرس، کو ہدایت دی ہے کہ وہ قوانین کی پابندی کریں اور پیکج پر کھانے کا صحیح نام نمایاں طور پر لکھیں۔
مزید پڑھیں:ارشد کے بعد اسامہ، جس کی چائے لوگوں کے دل جیت رہی ہے
اتھارٹی نے خبردار کیا ہے کہ غیر تعمیل کی صورت میں قانون کے تحت کارروائی کی جائے گی۔ یہ اقدام صارفین کے حق میں شفافیت اور درست معلومات کو یقینی بنانے کے لیے اٹھایا گیا ہے۔
