پاکستان انٹرنیشنل ایئرلائنز (پی آئی اے) کی جدہ سے ملتان جانے والی پرواز میں دو فضائی میزبانوں کے درمیان جھگڑا دیکھنے میں آیا۔
واقعے کی ویڈیو جدہ انٹرنیشنل ایئرپورٹ کے ڈیپارچر لاؤنج سے وائرل ہوئی، جس پر ایئر لائن انتظامیہ نے فوری طور پر نوٹس لیتے ہوئے دونوں فضائی میزبانوں کو معطل کر دیا۔
پی آئی اے کی دو ایئر ہوسٹس جدہ ائیر پورٹ پر آپس میں لڑ پڑیں پہلے تلخ جملوں کا تبادلہ اور گالیاں pic.twitter.com/qld0FWLLWn
— صحرانورد (@Aadiiroy2) December 28, 2025
پی آئی اے کے ترجمان کے مطابق دونوں کے خلاف تحقیقات جاری ہیں۔ یہ واقعہ 23 دسمبر کو پیش آیا تھا۔
یاد رہے کہ گزشتہ سال بھی پی آئی اے کی 2 مرد فضائی میزبان کینیڈا پہنچ کر غائب ہوگئے تھے۔ یہ دونوں اسلام آباد سے ٹورنٹو جانے والی پرواز 772 پر روانہ ہوئے۔
ترجمان نے بتایا تھا کہ کینیڈا میں میزبانوں کے غائب ہونے کے معاملے پر مقامی حکام سے رابطہ کیا گیا ہے، اور تحقیقات مکمل ہونے کے بعد سخت ضابطے کے تحت کارروائی کی جائے گی۔
