پاکستان نے بھارت میں اقلیتوں، خاص طور پر مسلمانوں، کے خلاف بڑھتے ہوئے تشدد اور ہراسگی پر گہری تشویش کا اظہار کیا ہے۔
ترجمان وزارت خارجہ طاہر اندرا بی نے میڈیا کے سوالات کے جواب میں کہا کہ کرسمس کے دوران ہونے والی تخریب کاری کے واقعات اور مسلمانوں کے خلاف ریاستی سطح پر مہمات قابل مذمت ہیں۔
🔊PR No.3️⃣8️⃣6️⃣/2️⃣0️⃣2️⃣5️⃣
Press Remarks by the Spokesperson https://t.co/0uUaCfKnUp pic.twitter.com/5KENRSsykO
— Ministry of Foreign Affairs – Pakistan (@ForeignOfficePk) December 29, 2025
انہوں نے واضح کیا کہ مسلمانوں کے گھروں کا انہدام اور ہجوم کے ہاتھوں بربریت کے ساتھ قتل جیسے واقعات سلمانوں میں خوف اور علیحدگی کے جذبات کو گہرا کر رہے ہیں۔
اس ضمن میں بھارتی شہری محمد اخلاق کے ہجوم کے ہاتھوں قتل عمد کے معاملے کو خصوصی طور پر اجاگر کیا گیا، جس میں بھارتی ریاست نے مجرموں کو احتساب سے بچایا —
یہ بھی پڑھیں: بھارت خوارج اور بلوچستان میں سرگرم دہشتگردوں کا سرپرست ہے، ڈی جی آئی ایس پی آر
ترجمان وزارت خارجہ نے کہا کہ اس طرح کے متاثرین کی فہرست افسوسناک حد تک طویل ہے۔
انہوں نے عالمی برادری سے اپیل کی کہ وہ بھارت میں خطرے سے دوچار کمیونٹیوں کے بنیادی حقوق کے تحفظ کے لیے مناسب اقدامات کرے۔
