فلپائن ایئرلائنز نے پہلی بار ایشیا پیسیفک ریجن میں سب سے زیادہ بروقت پروازیں کرنے والی ایئرلائن کا اعزاز حاصل کر لیا ہے۔
ایئر لائن نے یہ اعزاز 83.12 فیصد آن ٹائم پرفارمنس کے ریکارڈ قائم کرتے ہوئے اپنے نام کیا ہے۔
لندن کی ایوی ایشن اینالٹکس فرم سیریم کے مطابق 2025 کی درجہ بندی میں دوسری پوزیشن نیوزی لینڈ کی ایئر نیو زی لینڈ، تیسری جاپان کی آل نپون ایئر ویز اور چوتھی سنگاپور ایئرلائنز نے حاصل کی۔
یہ بھی پڑھیں: اسلام آباد ایئرپورٹ پر ٹریفک کنٹرولر کی بروقت مداخلت، غیر ملکی طیارہ حادثے سے بچ گیا
سیریم کے مطابق کوئی پرواز اس وقت ’آن ٹائم‘ سمجھی جاتی ہے جب وہ شیڈول کے مطابق 14 منٹ 59 سیکنڈ کے اندر پہنچ جائے۔
Cirium released its annual report of the world's most punctual airlines. The cream of the crop is Aeromexico, but only one in the US made the top 10. https://t.co/62UMx0GRDA
— Business Insider (@BusinessInsider) January 3, 2026
صرف اگست 2025 میں، فلپائن ایئرلائنز نے ایشیا پیسیفک میں سب سے بروقت ایئرلائن ہونے کا اعزاز حاصل کیا، سنگاپور ایئرلائنز اور آسٹریلوی ایئر لائن قنٹاس کو پیچھے چھوڑتے ہوئے 89.37 فیصد آن ٹائم پرفارمنس کے ساتھ ریکارڈ بنایا۔
سیریم کا آن ٹائم پرفارمنس رینکنگ سسٹم مسافروں کی پروازوں کو ڈیپارچر گیٹ سے ارائیول گیٹ تک ٹریک کرتا ہے اور 15 منٹ کے اندر پہنچنے والی پروازوں کو بنیاد بناتا ہے۔ اس میں ہر سال 35 ملین سے زائد پروازیں اور 600 سے زیادہ ریئل ٹائم ڈیٹا سورسز شامل ہیں۔
مزید پڑھیں: قومی ایئرلائن کی ایک ٹائر پر لینڈنگ، لاپتا ٹائر معمہ بن گیا
آن ٹائم پرفارمنس کی اچھی درجہ بندی ایئرلائنز کی ساکھ، ٹکٹ کی فروخت اور شراکت داریوں کو بہتر بناتی ہے۔ بروقت پروازیں مسافروں کا اعتماد بڑھاتی ہیں، شکایات اور معاوضے کی ضرورت کم کرتی ہیں اور کم قیمت ایئرلائنز کے لیے مارکیٹ شیئر بڑھانے میں مددگار ثابت ہوتی ہیں۔
سیریم کے آن ٹائم پرفارمنس ریویو میں ہر ایئرلائن کا عالمی معیار پر موازنہ کیا جاتا ہے، جبکہ ایک الگورتھم پروازوں کی پیچیدگی، حجم، تاخیر کے اثرات اور رکاوٹ کی مدت کو بھی مدنظر رکھتا ہے۔
یہ عمل ایک آزاد مشاورتی بورڈ کے زیر نگرانی کیا جاتا ہے تاکہ شفافیت اور انصاف کو یقینی بنایا جا سکے۔
مزید پڑھیں: لاہور سے قطر جانے والی پرواز خراب موسم کی لپیٹ میں، طیارے میں کلمہ طیبہ کی صدائیں، ویڈیو وائرل
ماہرین کے مطابق بروقت پروازیں مسافروں کے اطمینان اور پروفیشنل ازم کی اعلیٰ سطح کی علامت ہیں۔ 70 فیصد مسافر اپنے ٹریول کارڈ کے انتخاب میں بروقت پرواز کو سب سے اہم معیار قرار دیتے ہیں۔
بروقت پروازیں مسافروں کو ریپیٹ بزنس، مثبت ریویوز اور اعتماد پیدا کرنے میں مدد دیتی ہیں، جبکہ تاخیر ذہنی دباؤ، کنیکشنز ضائع ہونے اور منفی سوشل میڈیا ریویوز کا باعث بنتی ہیں۔
1941 میں قائم ایشیا کی سب سے قدیم مسلسل چلنے والی ہواباز کمپنی فلپائن ایئرلائنز نے اس سال جاپان ایئرلائنز کو پیچھے چھوڑ دیا ہے۔
فلپائن ایئرلائنزایشیا، شمالی امریکا اور اوشیانا کے بین الاقوامی راستوں کے ساتھ ساتھ اہم ملکی پروازوں پر توجہ مرکوز کرتی ہے۔
