امریکا کے اعلیٰ ترین فوجی اہلکار نے کہا ہے کہ روس یوکرین میں فوجی فتح حاصل نہیں کرے گا اور یوکرینی افواج کا بھی جلد روسی فوج کو اپنی سرزمین سے نکالنے کا امکان نظر نہیں آرہا ہے۔
امریکا کے جوائنٹ چیفس آف اسٹاف کے چیئرمین جنرل مارک ملی نے کہا ہے کہ یہ جنگ روس جیتنے والا نہیں ہے، بالکل بھی نہیں۔
روس کے اصل اسٹریٹیجک مقاصد بشمول یوکرینی حکومت کا تختہ الٹنا فوجی انداز میں حاصل نہیں کیا جا سکتا۔ جنرل مارک ملی نے درجنوں ممالک ( جو یوکرین کے دفاعی رابطہ گروپ ’رامسٹین‘ کے ارکان ہیں) کی ایک ورچوئل میٹنگ کے اختتام کے بعد صحافیوں سے گفتگو کی۔
انہوں نے یوکرین میں روسی فوجیوں کی بھاری تعداد موجود ہے، یہی وجہ ہے کہ یوکرینی فوج کا جلد اپنے علاقے واپس لینے کا امکان نظر نہیں آ رہا ہے۔ اس کا مطلب ہے کہ لڑائی جاری رہے گی اور یہ مزید خونریز ہونے والی ہے، یہ مزید شدید ہوجائے گی۔
ہوسکتا ہے کہ کسی وقت دونوں فریق مذاکرات کریں اور کسی تصفیے پر پہنچیں یا اس مسئلے کا نتیجہ فوجی انداز ہی میں نکلے۔
جنرل ملی نے بعض ایسے اندازوں کا ذکر بھی کیا، جن کے مطابق جنگ طول پکڑے گی۔ اور کوئی بھی فریق کو فیصلہ کن فتح حاصل نہیں ہوگی اور نہ ہی مذاکرات کا جدل امکان موجود ہے۔
