معروف پاکستانی یوٹیوبر رجب بٹ ان دنوں خاندانی تنازعات اور اپنی شادی کے حوالے سے خبروں کی زد میں ہیں۔ کبھی ان کی اہلیہ کا مبینہ وائس نوٹ سوشل میڈیا پر لیک ہوتا ہے تو کبھی رجب بٹ اپنے سالے شیخ عون پر سخت تنقید کرتے دکھائی دیتے ہیں۔
اس سلسلے میں رجب بٹ کی ساس، لبنیٰ جبین نے بھی خاموشی توڑ دی ہے۔ انہوں نے انسٹاگرام پر اسٹوری کے ذریعے کہا کہ گزشتہ چند روز کے دوران ہمارے خاندان، خاص طور پر میری بیٹی اور بیٹے کو جان بوجھ کر بدنام کرنے کی کوششیں کی گئی ہیں۔ ان کوششوں میں حقائق کو مروڑ کر پیش کرنا، جھوٹے الزامات پھیلانا اور نامعلوم ذرائع سے میرے بیٹے کو دھمکیاں دینا شامل ہے۔
لبنیٰ جبین نے مزید کہا کہ حقیقت اس سے بالکل مختلف ہے جو عوام کے سامنے پیش کی جا رہی ہے، اور وہ حقائق کو سامنے لانے کا حق محفوظ رکھتی ہیں، جس کا اظہار مناسب وقت پر کیا جائے گا۔
واضح رہے کہ چند روز قبل رجب بٹ نے اپنے سالے شیخ عون پر سخت تنقید کی تھی اور کہا تھا کہ ان کے پاس متعدد ریکارڈنگز اور اسکرین شاٹس موجود ہیں جو صورتحال کی وضاحت کر سکتے ہیں۔
یہ بھی پڑھیں: نہیں معلوم کہ یہ شادی چلے گی یا نہیں، یوٹیوبر رجب بٹ کا شادی کے مستقبل پر حیران کن انکشاف
انہوں نے بیان میں کہا کہ تمہاری پرورش کیا ہے؟ اپنے ہی خاندان کے افراد کے لیے ایسے الفاظ استعمال کرنا، فین پیجز سے باتیں کرنا، گروپس بنانا، جھوٹی ذاتی معلومات پھیلانا اور ہمدردی کا کارڈ کھیلنا یہ سب بند ہونا چاہیے۔ میری بیوی اور بیٹا تمہاری ہمدردی کا کھیل نہیں ہیں۔
رجب بٹ نے اپنی شادی کے مستقبل پر بھی بات کی اور کہا کہ انہیں معلوم نہیں کہ یہ شادی چلے گی یا نہیں، اور اگر چلی بھی تو صرف اللہ کے حکم سے۔ انہوں نے سوال کیا کہ اپنی بہن کے شوہر، اس کے خاندان کے افراد اور دوستوں کو ’بلاتکاری‘ کہنا، کیا یہ اخلاقیات ہیں؟ کیا یہی تربیت ہے؟
یہ بھی پڑھیں: ’نہ میرے ساتھ ظلم کریں‘، رجب بٹ کی اہلیہ کی ساس کو دہائیاں، مبینہ وائس نوٹ لیک
اس کے بعد رجب بٹ کی اہلیہ ایمان رجب کا مبینہ وائس نوٹ سوشل میڈیا پر لیک ہو گیا، جس میں وہ اپنی ساس کے ساتھ گفتگو کرتے سنائی دیتی ہیں۔ لیک ہونے والے نوٹ میں ایمان رجب روتے ہوئے اپنے بیٹے کیوان کا ذکر وی لاگز میں نہ کرنے کی درخواست کرتی ہیں۔
View this post on Instagram
ایمان رجب نے کہا کہ اللہ نے جس طرح مجھے کیوان دیا ہے وہ میں ہی جانتی ہوں۔ جیسا وہ پیدا ہوا، اللہ نے اسے بچایا۔ نہ میرے ساتھ ظلم کریں اور نہ میرے بچے کے ساتھ، اور آئندہ ’کیوان‘ کا نام وی لاگ میں نہ آئے۔ یہ ذمہ داری آپ پر ہے کہ آپ اسے روکیں۔
