پاکستانی یوٹیوبر رجب بٹ کی اہلیہ ایمان رجب کا مبینہ وائس نوٹ سوشل میڈیا پر لیک ہو گیا، جس میں وہ اپنی ساس کے ساتھ گفتگو کرتی سنائی دیتی ہیں۔
لیک ہونے والے نوٹ میں ایمان رجب روتے ہوئے اپنے بیٹے کیوان کا ذکر وی لاگز میں نہ کرنے کی درخواست کرتی ہیں۔
ان کا کہنا ہے کہ وہ نہیں چاہتیں کہ ان کا بیٹا عوامی توجہ کا مرکز بنے، کیونکہ سوشل میڈیا پر لوگ منفی تبصرے کرتے ہیں۔
View this post on Instagram
ایمان رجب نے مزید کہا کہ اللہ نے جس طرح مجھے ’کیوان‘ دیا ہے، وہ میں ہی جانتی ہوں۔ جیسا وہ پیدا ہوا، اللہ نے اسے بچایا۔
انہوں نے روتے ہوئے کہا کہ نہ میرے ساتھ ظلم کریں اور نہ میرے بچے کے ساتھ، اور آئندہ ’کیوان‘ کا نام ولاگ میں نہ آئے، یہ ذمہ داری آپ پر ہے کہ آپ اسے روکیں۔
وائس نوٹ میں ایمان نے یہ بھی کہا کہ وہ اپنے بچے کی حفاظت کے بارے میں مکمل آگاہ ہیں اور کسی بھی صورت اسے نقصان پہنچتے نہیں دیکھنا چاہتیں۔
اس دوران رجب بٹ کی والدہ نے کہاکہ وہ ایمان کے گھر آئیں گی اور بیٹے کا کیک کاٹیں گی، تاہم ایمان نے درخواست کی کہ کیک کی بجائے عقیقہ کے جانور قربان کیے جائیں۔
سوشل میڈیا صارفین کی بڑی تعداد نے ایمان رجب کے موقف کی حمایت کرتے ہوئے کہاکہ ہر ماں کو حق حاصل ہے کہ وہ اپنے بچے کو سوشل میڈیا کی توجہ سے محفوظ رکھے۔
مزید پڑھیں: رجب بٹ نے سوشل میڈیا اکاؤنٹس غیرفعال کردیے، وجہ کیا بنی؟
تاہم بعض صارفین نے وائس نوٹ کے لیک ہونے پر تشویش کا اظہار کرتے ہوئے سوال اٹھایا کہ یہ نجی گفتگو کس نے اور کیوں منظر عام پر لائی۔
یہ واقعہ رجب بٹ اور ایمان رجب کے خاندانی تنازعات میں ایک نیا موڑ ثابت ہوا ہے اور اس معاملے پر سوشل میڈیا پر بھرپور بحث جاری ہے۔
